| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၅. အစိရပက္ကန္တသုတ္တဝဏ္ဏနာ
5. Acirapakkantasuttavaṇṇanā
၁၈၄. ပဉ္စမေ ပရာဘဝာယာတိ အဝဍ္ဎိယာ ဝိနာသာယ။ အသ္သတရီတိ ဝဠဝာယ ကုစ္ဆိသ္မိံ ဂဒ္ရဘသ္သ ဇာတာ။ အတ္တဝဓာယ ဂဗ္ဘံ ဂဏ္ဟာတီတိ တံ အသ္သေန သဒ္ဓိံ သမ္ပယောဇေန္တိ, သာ ဂဗ္ဘံ ဂဏ္ဟိတ္ဝာ ကာလေ သမ္ပတ္တေ ဝိဇာယိတုံ န သက္ကောတိ, ပာဒေဟိ ဘူမိယံ ပဟရန္တီ တိဋ္ဌတိ, အထသ္သာ စတ္တာရော ပာဒေ စတူသု ခာဏုကေသု ဗန္ဓိတ္ဝာ ကုစ္ဆိံ ဖာလေတ္ဝာ ပောတံ နီဟရန္တိ, သာ တတ္ထေဝ မရတိ။ တေနေတံ ဝုတ္တံ။ ပဉ္စမံ။
184. Pañcame parābhavāyāti avaḍḍhiyā vināsāya. Assatarīti vaḷavāya kucchismiṃ gadrabhassa jātā. Attavadhāya gabbhaṃ gaṇhātīti taṃ assena saddhiṃ sampayojenti, sā gabbhaṃ gaṇhitvā kāle sampatte vijāyituṃ na sakkoti, pādehi bhūmiyaṃ paharantī tiṭṭhati, athassā cattāro pāde catūsu khāṇukesu bandhitvā kucchiṃ phāletvā potaṃ nīharanti, sā tattheva marati. Tenetaṃ vuttaṃ. Pañcamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. အစိရပက္ကန္တသုတ္တံ • 5. Acirapakkantasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅. အစိရပက္ကန္တသုတ္တဝဏ္ဏနာ • 5. Acirapakkantasuttavaṇṇanā
