| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
७. अचिन्तेय्यसुत्तवण्णना
7. Acinteyyasuttavaṇṇanā
७७. सत्तमे अचिन्तेय्यानीति चिन्तेतुं अयुत्तानि। न चिन्तेतब्बानीति अचिन्तेय्यत्तायेव न चिन्तेतब्बानि। यानि चिन्तेन्तोति यानि कारणानि चिन्तेन्तो। उम्मादस्साति उम्मत्तकभावस्स। विघातस्साति दुक्खस्स। बुद्धविसयोति बुद्धानं विसयो, सब्बञ्ञुतञ्ञाणादीनं बुद्धगुणानं पवत्ति च आनुभावो च। झानविसयोति अभिञ्ञाझानविसयो। कम्मविपाकोति दिट्ठधम्मवेदनीयादीनं कम्मानं विपाको। लोकचिन्ताति ‘‘केन नु खो चन्दिमसूरिया कता, केन महापथवी, केन महासमुद्दो, केन सत्ता उप्पादिता, केन पब्बता, केन अम्बतालनाळिकेरादयो’’ति एवरूपा लोकचिन्ता।
77. Sattame acinteyyānīti cintetuṃ ayuttāni. Na cintetabbānīti acinteyyattāyeva na cintetabbāni. Yāni cintentoti yāni kāraṇāni cintento. Ummādassāti ummattakabhāvassa. Vighātassāti dukkhassa. Buddhavisayoti buddhānaṃ visayo, sabbaññutaññāṇādīnaṃ buddhaguṇānaṃ pavatti ca ānubhāvo ca. Jhānavisayoti abhiññājhānavisayo. Kammavipākoti diṭṭhadhammavedanīyādīnaṃ kammānaṃ vipāko. Lokacintāti ‘‘kena nu kho candimasūriyā katā, kena mahāpathavī, kena mahāsamuddo, kena sattā uppāditā, kena pabbatā, kena ambatālanāḷikerādayo’’ti evarūpā lokacintā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ७. अचिन्तेय्यसुत्तं • 7. Acinteyyasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ७. अचिन्तेय्यसुत्तवण्णना • 7. Acinteyyasuttavaṇṇanā
