| Library / Tipiṭaka / තිපිටක • Tipiṭaka / කඞ්ඛාවිතරණී-පුරාණ-ටීකා • Kaṅkhāvitaraṇī-purāṇa-ṭīkā |
5. අචෙලකවග්ගො
5. Acelakavaggo
1. අචෙලකසික්ඛාපදවණ්ණනා
1. Acelakasikkhāpadavaṇṇanā
අචෙලකාදයො යස්මා, තිත්ථියාව මතා ඉධ;
Acelakādayo yasmā, titthiyāva matā idha;
තස්මා තිත්ථියනාමෙන, තිකච්ඡෙදො කතො තතො.
Tasmā titthiyanāmena, tikacchedo kato tato.
අතිත්ථියස්ස නග්ගස්ස, තථා තිත්ථියලිඞ්ගිනො;
Atitthiyassa naggassa, tathā titthiyaliṅgino;
ගහට්ඨස්සාපි භික්ඛුස්ස, කප්පතීති විනිච්ඡයො.
Gahaṭṭhassāpi bhikkhussa, kappatīti vinicchayo.
අතිත්ථියස්ස චිත්තෙන, තිත්ථියස්ස ච ලිඞ්ගිනො;
Atitthiyassa cittena, titthiyassa ca liṅgino;
සොතාපන්නාදිනො දාතුං, කප්පතීතීධ නො මති.
Sotāpannādino dātuṃ, kappatītīdha no mati.
අචෙලකසික්ඛාපදවණ්ණනා නිට්ඨිතා.
Acelakasikkhāpadavaṇṇanā niṭṭhitā.
