| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಪುರಾಣ-ಟೀಕಾ • Kaṅkhāvitaraṇī-purāṇa-ṭīkā |
೫. ಅಚೇಲಕವಗ್ಗೋ
5. Acelakavaggo
೧. ಅಚೇಲಕಸಿಕ್ಖಾಪದವಣ್ಣನಾ
1. Acelakasikkhāpadavaṇṇanā
ಅಚೇಲಕಾದಯೋ ಯಸ್ಮಾ, ತಿತ್ಥಿಯಾವ ಮತಾ ಇಧ।
Acelakādayo yasmā, titthiyāva matā idha;
ತಸ್ಮಾ ತಿತ್ಥಿಯನಾಮೇನ, ತಿಕಚ್ಛೇದೋ ಕತೋ ತತೋ॥
Tasmā titthiyanāmena, tikacchedo kato tato.
ಅತಿತ್ಥಿಯಸ್ಸ ನಗ್ಗಸ್ಸ, ತಥಾ ತಿತ್ಥಿಯಲಿಙ್ಗಿನೋ।
Atitthiyassa naggassa, tathā titthiyaliṅgino;
ಗಹಟ್ಠಸ್ಸಾಪಿ ಭಿಕ್ಖುಸ್ಸ, ಕಪ್ಪತೀತಿ ವಿನಿಚ್ಛಯೋ॥
Gahaṭṭhassāpi bhikkhussa, kappatīti vinicchayo.
ಅತಿತ್ಥಿಯಸ್ಸ ಚಿತ್ತೇನ, ತಿತ್ಥಿಯಸ್ಸ ಚ ಲಿಙ್ಗಿನೋ।
Atitthiyassa cittena, titthiyassa ca liṅgino;
ಸೋತಾಪನ್ನಾದಿನೋ ದಾತುಂ, ಕಪ್ಪತೀತೀಧ ನೋ ಮತಿ॥
Sotāpannādino dātuṃ, kappatītīdha no mati.
ಅಚೇಲಕಸಿಕ್ಖಾಪದವಣ್ಣನಾ ನಿಟ್ಠಿತಾ।
Acelakasikkhāpadavaṇṇanā niṭṭhitā.
