| Library / Tipiṭaka / តិបិដក • Tipiṭaka / កង្ខាវិតរណី-បុរាណ-ដីកា • Kaṅkhāvitaraṇī-purāṇa-ṭīkā |
៥. អចេលកវគ្គោ
5. Acelakavaggo
១. អចេលកសិក្ខាបទវណ្ណនា
1. Acelakasikkhāpadavaṇṇanā
អចេលកាទយោ យស្មា, តិត្ថិយាវ មតា ឥធ;
Acelakādayo yasmā, titthiyāva matā idha;
តស្មា តិត្ថិយនាមេន, តិកច្ឆេទោ កតោ តតោ។
Tasmā titthiyanāmena, tikacchedo kato tato.
អតិត្ថិយស្ស នគ្គស្ស, តថា តិត្ថិយលិង្គិនោ;
Atitthiyassa naggassa, tathā titthiyaliṅgino;
គហដ្ឋស្សាបិ ភិក្ខុស្ស, កប្បតីតិ វិនិច្ឆយោ។
Gahaṭṭhassāpi bhikkhussa, kappatīti vinicchayo.
អតិត្ថិយស្ស ចិត្តេន, តិត្ថិយស្ស ច លិង្គិនោ;
Atitthiyassa cittena, titthiyassa ca liṅgino;
សោតាបន្នាទិនោ ទាតុំ, កប្បតីតីធ នោ មតិ។
Sotāpannādino dātuṃ, kappatītīdha no mati.
អចេលកសិក្ខាបទវណ្ណនា និដ្ឋិតា។
Acelakasikkhāpadavaṇṇanā niṭṭhitā.
