| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៦. អច្ឆរាសុត្តំ
6. Accharāsuttaṃ
៤៦.
46.
‘‘អច្ឆរាគណសង្ឃុដ្ឋំ, បិសាចគណសេវិតំ;
‘‘Accharāgaṇasaṅghuṭṭhaṃ, pisācagaṇasevitaṃ;
វនន្តំ មោហនំ នាម, កថំ យាត្រា ភវិស្សតី’’តិ។
Vanantaṃ mohanaṃ nāma, kathaṃ yātrā bhavissatī’’ti.
‘‘ឧជុកោ នាម សោ មគ្គោ, អភយា នាម សា ទិសា;
‘‘Ujuko nāma so maggo, abhayā nāma sā disā;
រថោ អកូជនោ នាម, ធម្មចក្កេហិ សំយុតោ។
Ratho akūjano nāma, dhammacakkehi saṃyuto.
‘‘ហិរី តស្ស អបាលម្ពោ, សត្យស្ស បរិវារណំ;
‘‘Hirī tassa apālambo, satyassa parivāraṇaṃ;
ធម្មាហំ សារថិំ ព្រូមិ, សម្មាទិដ្ឋិបុរេជវំ។
Dhammāhaṃ sārathiṃ brūmi, sammādiṭṭhipurejavaṃ.
‘‘យស្ស ឯតាទិសំ យានំ, ឥត្ថិយា បុរិសស្ស វា;
‘‘Yassa etādisaṃ yānaṃ, itthiyā purisassa vā;
ស វេ ឯតេន យានេន, និព្ពានស្សេវ សន្តិកេ’’តិ។
Sa ve etena yānena, nibbānasseva santike’’ti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៦. អច្ឆរាសុត្តវណ្ណនា • 6. Accharāsuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៦. អច្ឆរាសុត្តវណ្ណនា • 6. Accharāsuttavaṇṇanā
