| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൪. അച്ചയസുത്തവണ്ണനാ
4. Accayasuttavaṇṇanā
൨൭൦. ചതുത്ഥേ സമ്പയോജേസുന്തി കലഹം അകംസു. അച്ചസരാതി അതിക്കമി, ഏകോ ഭിക്ഖു ഏകം ഭിക്ഖും അതിക്കമ്മ വചനം അവോചാതി അത്ഥോ. യഥാധമ്മം നപ്പടിഗ്ഗണ്ഹാതീതി ന ഖമതി. കോധോ വോ വസമായാതൂതി കോധോ തുമ്ഹാകം വസം ആഗച്ഛതു, മാ തുമ്ഹേ കോധവസം ഗമിത്ഥാതി ദീപേതി. മാ ച മിത്തേ ഹി വോ ജരാതി ഏത്ഥ ഹീതി നിപാതമത്തം, തുമ്ഹാകം മിത്തധമ്മേ ജരാ നാമ മാ നിബ്ബത്തി. ഭുമ്മത്ഥേ വാ കരണവചനം, മിത്തേസു വോ ജരാ മാ നിബ്ബത്തി, മിത്തഭാവതോ അഞ്ഞഥാഭാവോ മാ ഹോതൂതി അത്ഥോ. അഗരഹിയം മാ ഗരഹിത്ഥാതി അഗാരയ്ഹം ഖീണാസവപുഗ്ഗലം മാ ഗരഹിത്ഥ. ചതുത്ഥം.
270. Catutthe sampayojesunti kalahaṃ akaṃsu. Accasarāti atikkami, eko bhikkhu ekaṃ bhikkhuṃ atikkamma vacanaṃ avocāti attho. Yathādhammaṃnappaṭiggaṇhātīti na khamati. Kodho vo vasamāyātūti kodho tumhākaṃ vasaṃ āgacchatu, mā tumhe kodhavasaṃ gamitthāti dīpeti. Mā ca mitte hi vo jarāti ettha hīti nipātamattaṃ, tumhākaṃ mittadhamme jarā nāma mā nibbatti. Bhummatthe vā karaṇavacanaṃ, mittesu vo jarā mā nibbatti, mittabhāvato aññathābhāvo mā hotūti attho. Agarahiyaṃ mā garahitthāti agārayhaṃ khīṇāsavapuggalaṃ mā garahittha. Catutthaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൪. അച്ചയസുത്തം • 4. Accayasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൪. അച്ചയസുത്തവണ്ണനാ • 4. Accayasuttavaṇṇanā
