| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೪. ಅಚ್ಚಯಸುತ್ತವಣ್ಣನಾ
4. Accayasuttavaṇṇanā
೨೭೦. ಚತುತ್ಥೇ ಸಮ್ಪಯೋಜೇಸುನ್ತಿ ಕಲಹಂ ಅಕಂಸು। ಅಚ್ಚಸರಾತಿ ಅತಿಕ್ಕಮಿ, ಏಕೋ ಭಿಕ್ಖು ಏಕಂ ಭಿಕ್ಖುಂ ಅತಿಕ್ಕಮ್ಮ ವಚನಂ ಅವೋಚಾತಿ ಅತ್ಥೋ। ಯಥಾಧಮ್ಮಂ ನಪ್ಪಟಿಗ್ಗಣ್ಹಾತೀತಿ ನ ಖಮತಿ। ಕೋಧೋ ವೋ ವಸಮಾಯಾತೂತಿ ಕೋಧೋ ತುಮ್ಹಾಕಂ ವಸಂ ಆಗಚ್ಛತು, ಮಾ ತುಮ್ಹೇ ಕೋಧವಸಂ ಗಮಿತ್ಥಾತಿ ದೀಪೇತಿ। ಮಾ ಚ ಮಿತ್ತೇ ಹಿ ವೋ ಜರಾತಿ ಏತ್ಥ ಹೀತಿ ನಿಪಾತಮತ್ತಂ, ತುಮ್ಹಾಕಂ ಮಿತ್ತಧಮ್ಮೇ ಜರಾ ನಾಮ ಮಾ ನಿಬ್ಬತ್ತಿ। ಭುಮ್ಮತ್ಥೇ ವಾ ಕರಣವಚನಂ, ಮಿತ್ತೇಸು ವೋ ಜರಾ ಮಾ ನಿಬ್ಬತ್ತಿ, ಮಿತ್ತಭಾವತೋ ಅಞ್ಞಥಾಭಾವೋ ಮಾ ಹೋತೂತಿ ಅತ್ಥೋ। ಅಗರಹಿಯಂ ಮಾ ಗರಹಿತ್ಥಾತಿ ಅಗಾರಯ್ಹಂ ಖೀಣಾಸವಪುಗ್ಗಲಂ ಮಾ ಗರಹಿತ್ಥ। ಚತುತ್ಥಂ।
270. Catutthe sampayojesunti kalahaṃ akaṃsu. Accasarāti atikkami, eko bhikkhu ekaṃ bhikkhuṃ atikkamma vacanaṃ avocāti attho. Yathādhammaṃnappaṭiggaṇhātīti na khamati. Kodho vo vasamāyātūti kodho tumhākaṃ vasaṃ āgacchatu, mā tumhe kodhavasaṃ gamitthāti dīpeti. Mā ca mitte hi vo jarāti ettha hīti nipātamattaṃ, tumhākaṃ mittadhamme jarā nāma mā nibbatti. Bhummatthe vā karaṇavacanaṃ, mittesu vo jarā mā nibbatti, mittabhāvato aññathābhāvo mā hotūti attho. Agarahiyaṃ mā garahitthāti agārayhaṃ khīṇāsavapuggalaṃ mā garahittha. Catutthaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೪. ಅಚ್ಚಯಸುತ್ತಂ • 4. Accayasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೪. ಅಚ್ಚಯಸುತ್ತವಣ್ಣನಾ • 4. Accayasuttavaṇṇanā
