| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౪. అచ్చయసుత్తవణ్ణనా
4. Accayasuttavaṇṇanā
౨౭౦. చతుత్థే సమ్పయోజేసున్తి కలహం అకంసు. అచ్చసరాతి అతిక్కమి, ఏకో భిక్ఖు ఏకం భిక్ఖుం అతిక్కమ్మ వచనం అవోచాతి అత్థో. యథాధమ్మం నప్పటిగ్గణ్హాతీతి న ఖమతి. కోధో వో వసమాయాతూతి కోధో తుమ్హాకం వసం ఆగచ్ఛతు, మా తుమ్హే కోధవసం గమిత్థాతి దీపేతి. మా చ మిత్తే హి వో జరాతి ఏత్థ హీతి నిపాతమత్తం, తుమ్హాకం మిత్తధమ్మే జరా నామ మా నిబ్బత్తి. భుమ్మత్థే వా కరణవచనం, మిత్తేసు వో జరా మా నిబ్బత్తి, మిత్తభావతో అఞ్ఞథాభావో మా హోతూతి అత్థో. అగరహియం మా గరహిత్థాతి అగారయ్హం ఖీణాసవపుగ్గలం మా గరహిత్థ. చతుత్థం.
270. Catutthe sampayojesunti kalahaṃ akaṃsu. Accasarāti atikkami, eko bhikkhu ekaṃ bhikkhuṃ atikkamma vacanaṃ avocāti attho. Yathādhammaṃnappaṭiggaṇhātīti na khamati. Kodho vo vasamāyātūti kodho tumhākaṃ vasaṃ āgacchatu, mā tumhe kodhavasaṃ gamitthāti dīpeti. Mā ca mitte hi vo jarāti ettha hīti nipātamattaṃ, tumhākaṃ mittadhamme jarā nāma mā nibbatti. Bhummatthe vā karaṇavacanaṃ, mittesu vo jarā mā nibbatti, mittabhāvato aññathābhāvo mā hotūti attho. Agarahiyaṃ mā garahitthāti agārayhaṃ khīṇāsavapuggalaṃ mā garahittha. Catutthaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౪. అచ్చయసుత్తం • 4. Accayasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౪. అచ్చయసుత్తవణ్ణనా • 4. Accayasuttavaṇṇanā
