| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৪. অচ্চযসুত্তৰণ্ণনা
4. Accayasuttavaṇṇanā
২৭০. সম্পযোজেসুন্তি অঞ্ঞমঞ্ঞং ৰাচসিকং ফরুসং পযোজেসুং। তেনাহ ‘‘কলহং অকংসূ’’তি, ৰিৰাদং অকংসূতি অত্থো। অতিক্কম্মৰচনন্তি ৰচীসংৰরং অতিক্কমিত্ৰা ৰচনং। যস্মা অচ্চযে দেসিযমানে তং খীণযতি অঞ্ঞমঞ্ঞস্স খমমানস্স খমনং পটিগ্গণ্হতো, তস্মা ৰুত্তং ‘‘নপ্পটিগণ্হাতীতি ন খমতী’’তি। তুম্হাকং ৰসে ৰত্ততু, ৰিসেৰিতং অকত্ৰা যথাকামকরণীযো হোতু। মিত্তধম্মো ইধ উত্তরপদলোপেন ‘‘মিত্তো’’তি ৰুত্তোতি আহ ‘‘মিত্তধম্মে’’তি। করণৰচনন্তি ‘‘মিত্তেহী’’তি করণৰচনং ভুম্মত্থে। তেনাহ ‘‘মিত্তেসূ’’তি। যথা নিব্বত্তসভাৰস্স ভাৰতো অঞ্ঞথত্তং জরা, এৰং মিত্তভাৰতো ৰুত্তৰিপরিযাযো অমিত্তধম্মো জরাপরিযাযেন ৰুত্তো। অগারয্হং অনৰজ্জং সব্বসো পহীনকিলেসং। তেনাহ ‘‘খীণাসৰপুগ্গল’’ন্তি।
270.Sampayojesunti aññamaññaṃ vācasikaṃ pharusaṃ payojesuṃ. Tenāha ‘‘kalahaṃ akaṃsū’’ti, vivādaṃ akaṃsūti attho. Atikkammavacananti vacīsaṃvaraṃ atikkamitvā vacanaṃ. Yasmā accaye desiyamāne taṃ khīṇayati aññamaññassa khamamānassa khamanaṃ paṭiggaṇhato, tasmā vuttaṃ ‘‘nappaṭigaṇhātīti na khamatī’’ti. Tumhākaṃ vase vattatu, visevitaṃ akatvā yathākāmakaraṇīyo hotu. Mittadhammo idha uttarapadalopena ‘‘mitto’’ti vuttoti āha ‘‘mittadhamme’’ti. Karaṇavacananti ‘‘mittehī’’ti karaṇavacanaṃ bhummatthe. Tenāha ‘‘mittesū’’ti. Yathā nibbattasabhāvassa bhāvato aññathattaṃ jarā, evaṃ mittabhāvato vuttavipariyāyo amittadhammo jarāpariyāyena vutto. Agārayhaṃ anavajjaṃ sabbaso pahīnakilesaṃ. Tenāha ‘‘khīṇāsavapuggala’’nti.
অচ্চযসুত্তৰণ্ণনা নিট্ঠিতা।
Accayasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. অচ্চযসুত্তং • 4. Accayasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. অচ্চযসুত্তৰণ্ণনা • 4. Accayasuttavaṇṇanā
