| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. அச்சயஸுத்தவண்ணனா
4. Accayasuttavaṇṇanā
270. சதுத்தே² ஸம்பயோஜேஸுந்தி கலஹங் அகங்ஸு. அச்சஸராதி அதிக்கமி, ஏகோ பி⁴க்கு² ஏகங் பி⁴க்கு²ங் அதிக்கம்ம வசனங் அவோசாதி அத்தோ². யதா²த⁴ம்மங் நப்படிக்³க³ண்ஹாதீதி ந க²மதி. கோதோ⁴ வோ வஸமாயாதூதி கோதோ⁴ தும்ஹாகங் வஸங் ஆக³ச்ச²து, மா தும்ஹே கோத⁴வஸங் க³மித்தா²தி தீ³பேதி. மா ச மித்தே ஹி வோ ஜராதி எத்த² ஹீதி நிபாதமத்தங், தும்ஹாகங் மித்தத⁴ம்மே ஜரா நாம மா நிப்³ப³த்தி. பு⁴ம்மத்தே² வா கரணவசனங், மித்தேஸு வோ ஜரா மா நிப்³ப³த்தி, மித்தபா⁴வதோ அஞ்ஞதா²பா⁴வோ மா ஹோதூதி அத்தோ². அக³ரஹியங் மா க³ரஹித்தா²தி அகா³ரய்ஹங் கீ²ணாஸவபுக்³க³லங் மா க³ரஹித்த². சதுத்த²ங்.
270. Catutthe sampayojesunti kalahaṃ akaṃsu. Accasarāti atikkami, eko bhikkhu ekaṃ bhikkhuṃ atikkamma vacanaṃ avocāti attho. Yathādhammaṃnappaṭiggaṇhātīti na khamati. Kodho vo vasamāyātūti kodho tumhākaṃ vasaṃ āgacchatu, mā tumhe kodhavasaṃ gamitthāti dīpeti. Mā ca mitte hi vo jarāti ettha hīti nipātamattaṃ, tumhākaṃ mittadhamme jarā nāma mā nibbatti. Bhummatthe vā karaṇavacanaṃ, mittesu vo jarā mā nibbatti, mittabhāvato aññathābhāvo mā hotūti attho. Agarahiyaṃ mā garahitthāti agārayhaṃ khīṇāsavapuggalaṃ mā garahittha. Catutthaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. அச்சயஸுத்தங் • 4. Accayasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. அச்சயஸுத்தவண்ணனா • 4. Accayasuttavaṇṇanā
