| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૬. અબ્યાકતવગ્ગો
6. Abyākatavaggo
૧. અબ્યાકતસુત્તવણ્ણના
1. Abyākatasuttavaṇṇanā
૫૪. છટ્ઠવગ્ગસ્સ પઠમે અબ્યાકતવત્થૂસૂતિ એકંસાદિવસેન અકથિતવત્થૂસુ. તથાગતોતિ સત્તો. દિટ્ઠિગતમેતન્તિ મિચ્છાદિટ્ઠિમત્તકમેતં, ન તાય દિટ્ઠિયા ગહિતસત્તો નામ અત્થિ. પટિપદન્તિ અરિયમગ્ગં. ન છમ્ભતીતિ દિટ્ઠિવસેન ન કમ્પતિ. સેસપદેસુપિ એસેવ નયો. તણ્હાગતન્તિ દિટ્ઠિતણ્હા. સઞ્ઞાગતાદીસુપિ એસેવ નયો. દિટ્ઠિસઞ્ઞા એવ હેત્થ સઞ્ઞાગતં, દિટ્ઠિનિસ્સિતમાનોયેવ દિટ્ઠિમઞ્ઞિતમેવ વા મઞ્ઞિતં, દિટ્ઠિપપઞ્ચોવ પપઞ્ચિતં, દિટ્ઠુપાદાનમેવ ઉપાદાનં, દિટ્ઠિયા વિરૂપં પટિસરણભાવોયેવ વિપ્પટિસારો નામાતિ વેદિતબ્બો. એત્થ ચ દિટ્ઠિગ્ગહણેન દ્વાસટ્ઠિ દિટ્ઠિયો, દિટ્ઠિનિરોધગામિનિપટિપદાગહણેન સોતાપત્તિમગ્ગો ગહિતોતિ.
54. Chaṭṭhavaggassa paṭhame abyākatavatthūsūti ekaṃsādivasena akathitavatthūsu. Tathāgatoti satto. Diṭṭhigatametanti micchādiṭṭhimattakametaṃ, na tāya diṭṭhiyā gahitasatto nāma atthi. Paṭipadanti ariyamaggaṃ. Na chambhatīti diṭṭhivasena na kampati. Sesapadesupi eseva nayo. Taṇhāgatanti diṭṭhitaṇhā. Saññāgatādīsupi eseva nayo. Diṭṭhisaññā eva hettha saññāgataṃ, diṭṭhinissitamānoyeva diṭṭhimaññitameva vā maññitaṃ, diṭṭhipapañcova papañcitaṃ, diṭṭhupādānameva upādānaṃ, diṭṭhiyā virūpaṃ paṭisaraṇabhāvoyeva vippaṭisāro nāmāti veditabbo. Ettha ca diṭṭhiggahaṇena dvāsaṭṭhi diṭṭhiyo, diṭṭhinirodhagāminipaṭipadāgahaṇena sotāpattimaggo gahitoti.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧. અબ્યાકતસુત્તં • 1. Abyākatasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૨. અબ્યાકતસુત્તાદિવણ્ણના • 1-2. Abyākatasuttādivaṇṇanā
