| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൮. അബ്യാകതകഥാവണ്ണനാ
8. Abyākatakathāvaṇṇanā
൯൦൧-൯൦൨. ഇദാനി അബ്യാകതകഥാ നാമ ഹോതി. തത്ഥ ‘‘അത്ഥേസാ, ഭിക്ഖവേ, ചേതനാ, സാ ച ഖോ അബ്ബോഹാരികാ’’തി (പാരാ॰ ൨൩൫) വചനതോ ‘‘സബ്ബം സുപിനഗതസ്സ ചിത്തം അബ്യാകത’’ന്തി യേസം ലദ്ധി, സേയ്യഥാപി ഏകച്ചാനം ഉത്തരാപഥകാനഞ്ഞേവ, തേ സന്ധായ പുച്ഛാ സകവാദിസ്സ, പടിഞ്ഞാ ഇതരസ്സ. സേസമേത്ഥ യഥാ പാളിമേവ നിയ്യാതി. സുപിനഗതസ്സ ചിത്തം അബ്ബോഹാരികന്തി ഇദം ആപത്തിം സന്ധായ വുത്തം. സുപിനഗതസ്സ ഹി പാണാതിപാതാദിവസേന കിഞ്ചാപി അകുസലചിത്തം പവത്തതി, വത്ഥുവികോപനം പന നത്ഥീതി ന സക്കാ തത്ഥ ആപത്തിം പഞ്ഞപേതും. ഇമിനാ കാരണേന തം അബ്ബോഹാരികം, ന അബ്യാകതത്താതി.
901-902. Idāni abyākatakathā nāma hoti. Tattha ‘‘atthesā, bhikkhave, cetanā, sā ca kho abbohārikā’’ti (pārā. 235) vacanato ‘‘sabbaṃ supinagatassa cittaṃ abyākata’’nti yesaṃ laddhi, seyyathāpi ekaccānaṃ uttarāpathakānaññeva, te sandhāya pucchā sakavādissa, paṭiññā itarassa. Sesamettha yathā pāḷimeva niyyāti. Supinagatassa cittaṃ abbohārikanti idaṃ āpattiṃ sandhāya vuttaṃ. Supinagatassa hi pāṇātipātādivasena kiñcāpi akusalacittaṃ pavattati, vatthuvikopanaṃ pana natthīti na sakkā tattha āpattiṃ paññapetuṃ. Iminā kāraṇena taṃ abbohārikaṃ, na abyākatattāti.
അബ്യാകതകഥാവണ്ണനാ.
Abyākatakathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൨൧൫) ൮. അബ്യാകതകഥാ • (215) 8. Abyākatakathā
