| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༨. ཨབྱཱཀཏཀཐཱཝཎྞནཱ
8. Abyākatakathāvaṇṇanā
༩༠༡-༩༠༢. ཨིདཱནི ཨབྱཱཀཏཀཐཱ ནཱམ ཧོཏི། ཏཏྠ ‘‘ཨཏྠེསཱ, བྷིཀྑཝེ, ཙེཏནཱ, སཱ ཙ ཁོ ཨབྦོཧཱརིཀཱ’’ཏི (པཱརཱ॰ ༢༣༥) ཝཙནཏོ ‘‘སབྦཾ སུཔིནགཏསྶ ཙིཏྟཾ ཨབྱཱཀཏ’’ནྟི ཡེསཾ ལདྡྷི, སེཡྻཐཱཔི ཨེཀཙྩཱནཾ ཨུཏྟརཱཔཐཀཱནཉྙེཝ, ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། སེསམེཏྠ ཡཐཱ པཱལི༹མེཝ ནིཡྻཱཏི། སུཔིནགཏསྶ ཙིཏྟཾ ཨབྦོཧཱརིཀནྟི ཨིདཾ ཨཱཔཏྟིཾ སནྡྷཱཡ ཝུཏྟཾ། སུཔིནགཏསྶ ཧི པཱཎཱཏིཔཱཏཱདིཝསེན ཀིཉྩཱཔི ཨཀུསལཙིཏྟཾ པཝཏྟཏི, ཝཏྠུཝིཀོཔནཾ པན ནཏྠཱིཏི ན སཀྐཱ ཏཏྠ ཨཱཔཏྟིཾ པཉྙཔེཏུཾ། ཨིམིནཱ ཀཱརཎེན ཏཾ ཨབྦོཧཱརིཀཾ, ན ཨབྱཱཀཏཏྟཱཏི།
901-902. Idāni abyākatakathā nāma hoti. Tattha ‘‘atthesā, bhikkhave, cetanā, sā ca kho abbohārikā’’ti (pārā. 235) vacanato ‘‘sabbaṃ supinagatassa cittaṃ abyākata’’nti yesaṃ laddhi, seyyathāpi ekaccānaṃ uttarāpathakānaññeva, te sandhāya pucchā sakavādissa, paṭiññā itarassa. Sesamettha yathā pāḷimeva niyyāti. Supinagatassa cittaṃ abbohārikanti idaṃ āpattiṃ sandhāya vuttaṃ. Supinagatassa hi pāṇātipātādivasena kiñcāpi akusalacittaṃ pavattati, vatthuvikopanaṃ pana natthīti na sakkā tattha āpattiṃ paññapetuṃ. Iminā kāraṇena taṃ abbohārikaṃ, na abyākatattāti.
ཨབྱཱཀཏཀཐཱཝཎྞནཱ།
Abyākatakathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༢༡༥) ༨. ཨབྱཱཀཏཀཐཱ • (215) 8. Abyākatakathā
