| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā |
೮. ಅಬ್ಯಾಕತಕಥಾವಣ್ಣನಾ
8. Abyākatakathāvaṇṇanā
೯೦೧-೯೦೨. ಇದಾನಿ ಅಬ್ಯಾಕತಕಥಾ ನಾಮ ಹೋತಿ। ತತ್ಥ ‘‘ಅತ್ಥೇಸಾ, ಭಿಕ್ಖವೇ, ಚೇತನಾ, ಸಾ ಚ ಖೋ ಅಬ್ಬೋಹಾರಿಕಾ’’ತಿ (ಪಾರಾ॰ ೨೩೫) ವಚನತೋ ‘‘ಸಬ್ಬಂ ಸುಪಿನಗತಸ್ಸ ಚಿತ್ತಂ ಅಬ್ಯಾಕತ’’ನ್ತಿ ಯೇಸಂ ಲದ್ಧಿ, ಸೇಯ್ಯಥಾಪಿ ಏಕಚ್ಚಾನಂ ಉತ್ತರಾಪಥಕಾನಞ್ಞೇವ, ತೇ ಸನ್ಧಾಯ ಪುಚ್ಛಾ ಸಕವಾದಿಸ್ಸ, ಪಟಿಞ್ಞಾ ಇತರಸ್ಸ। ಸೇಸಮೇತ್ಥ ಯಥಾ ಪಾಳಿಮೇವ ನಿಯ್ಯಾತಿ। ಸುಪಿನಗತಸ್ಸ ಚಿತ್ತಂ ಅಬ್ಬೋಹಾರಿಕನ್ತಿ ಇದಂ ಆಪತ್ತಿಂ ಸನ್ಧಾಯ ವುತ್ತಂ। ಸುಪಿನಗತಸ್ಸ ಹಿ ಪಾಣಾತಿಪಾತಾದಿವಸೇನ ಕಿಞ್ಚಾಪಿ ಅಕುಸಲಚಿತ್ತಂ ಪವತ್ತತಿ, ವತ್ಥುವಿಕೋಪನಂ ಪನ ನತ್ಥೀತಿ ನ ಸಕ್ಕಾ ತತ್ಥ ಆಪತ್ತಿಂ ಪಞ್ಞಪೇತುಂ। ಇಮಿನಾ ಕಾರಣೇನ ತಂ ಅಬ್ಬೋಹಾರಿಕಂ, ನ ಅಬ್ಯಾಕತತ್ತಾತಿ।
901-902. Idāni abyākatakathā nāma hoti. Tattha ‘‘atthesā, bhikkhave, cetanā, sā ca kho abbohārikā’’ti (pārā. 235) vacanato ‘‘sabbaṃ supinagatassa cittaṃ abyākata’’nti yesaṃ laddhi, seyyathāpi ekaccānaṃ uttarāpathakānaññeva, te sandhāya pucchā sakavādissa, paṭiññā itarassa. Sesamettha yathā pāḷimeva niyyāti. Supinagatassa cittaṃ abbohārikanti idaṃ āpattiṃ sandhāya vuttaṃ. Supinagatassa hi pāṇātipātādivasena kiñcāpi akusalacittaṃ pavattati, vatthuvikopanaṃ pana natthīti na sakkā tattha āpattiṃ paññapetuṃ. Iminā kāraṇena taṃ abbohārikaṃ, na abyākatattāti.
ಅಬ್ಯಾಕತಕಥಾವಣ್ಣನಾ।
Abyākatakathāvaṇṇanā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಕಥಾವತ್ಥುಪಾಳಿ • Kathāvatthupāḷi / (೨೧೫) ೮. ಅಬ್ಯಾಕತಕಥಾ • (215) 8. Abyākatakathā
