| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၈. အဗ္ယာကတကထာဝဏ္ဏနာ
8. Abyākatakathāvaṇṇanā
၉၀၁-၉၀၂. ဣဒာနိ အဗ္ယာကတကထာ နာမ ဟောတိ။ တတ္ထ ‘‘အတ္ထေသာ, ဘိက္ခဝေ, စေတနာ, သာ စ ခော အဗ္ဗောဟာရိကာ’’တိ (ပာရာ. ၂၃၅) ဝစနတော ‘‘သဗ္ဗံ သုပိနဂတသ္သ စိတ္တံ အဗ္ယာကတ’’န္တိ ယေသံ လဒ္ဓိ, သေယ္ယထာပိ ဧကစ္စာနံ ဥတ္တရာပထကာနညေဝ, တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ သေသမေတ္ထ ယထာ ပာဠိမေဝ နိယ္ယာတိ။ သုပိနဂတသ္သ စိတ္တံ အဗ္ဗောဟာရိကန္တိ ဣဒံ အာပတ္တိံ သန္ဓာယ ဝုတ္တံ။ သုပိနဂတသ္သ ဟိ ပာဏာတိပာတာဒိဝသေန ကိဉ္စာပိ အကုသလစိတ္တံ ပဝတ္တတိ, ဝတ္ထုဝိကောပနံ ပန နတ္ထီတိ န သက္ကာ တတ္ထ အာပတ္တိံ ပညပေတုံ။ ဣမိနာ ကာရဏေန တံ အဗ္ဗောဟာရိကံ, န အဗ္ယာကတတ္တာတိ။
901-902. Idāni abyākatakathā nāma hoti. Tattha ‘‘atthesā, bhikkhave, cetanā, sā ca kho abbohārikā’’ti (pārā. 235) vacanato ‘‘sabbaṃ supinagatassa cittaṃ abyākata’’nti yesaṃ laddhi, seyyathāpi ekaccānaṃ uttarāpathakānaññeva, te sandhāya pucchā sakavādissa, paṭiññā itarassa. Sesamettha yathā pāḷimeva niyyāti. Supinagatassa cittaṃ abbohārikanti idaṃ āpattiṃ sandhāya vuttaṃ. Supinagatassa hi pāṇātipātādivasena kiñcāpi akusalacittaṃ pavattati, vatthuvikopanaṃ pana natthīti na sakkā tattha āpattiṃ paññapetuṃ. Iminā kāraṇena taṃ abbohārikaṃ, na abyākatattāti.
အဗ္ယာကတကထာဝဏ္ဏနာ။
Abyākatakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၂၁၅) ၈. အဗ္ယာကတကထာ • (215) 8. Abyākatakathā
