| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၈. အဗ္ယာကတကထာဝဏ္ဏနာ
8. Abyākatakathāvaṇṇanā
၇၀၆-၇၀၈. ဣဒာနိ အဗ္ယာကတကထာ နာမ ဟောတိ။ တတ္ထ ဝိပာကကိရိယရူပနိဗ္ဗာနသင္ခာတံ စတုဗ္ဗိဓံ အဗ္ယာကတံ အဝိပာကတ္တာ အဗ္ယာကတန္တိ ဝုတ္တံ။ ဒိဋ္ဌိဂတံ ‘‘သသ္သတော လောကောတိ ခော, ဝစ္ဆ, အဗ္ယာကတမေတ’’န္တိ (သံ. နိ. ၄.၄၁၆ ထောကံ ဝိသဒိသံ) သသ္သတာဒိဘာဝေန အကထိတတ္တာ။ ယေသံ ပန ဣမံ ဝိဘာဂံ အဂ္ဂဟေတ္ဝာ ပုရိမာဗ္ယာကတံ ဝိယ ဒိဋ္ဌိဂတမ္ပိ အဗ္ယာကတန္တိ လဒ္ဓိ, သေယ္ယထာပိ အန္ဓကာနဉ္စေဝ ဥတ္တရာပထကာနဉ္စ; တေသံ တံ ဝိဘာဂံ ဒသ္သေတုံ ဒိဋ္ဌိဂတံ အဗ္ယာကတန္တိ ပုစ္ဆာ သကဝာဒိသ္သ, ပဋိညာ ဣတရသ္သ။ သေသမေတ္ထ ယထာပာဠိမေဝ နိယ္ယာတီတိ။
706-708. Idāni abyākatakathā nāma hoti. Tattha vipākakiriyarūpanibbānasaṅkhātaṃ catubbidhaṃ abyākataṃ avipākattā abyākatanti vuttaṃ. Diṭṭhigataṃ ‘‘sassato lokoti kho, vaccha, abyākatameta’’nti (saṃ. ni. 4.416 thokaṃ visadisaṃ) sassatādibhāvena akathitattā. Yesaṃ pana imaṃ vibhāgaṃ aggahetvā purimābyākataṃ viya diṭṭhigatampi abyākatanti laddhi, seyyathāpi andhakānañceva uttarāpathakānañca; tesaṃ taṃ vibhāgaṃ dassetuṃ diṭṭhigataṃ abyākatanti pucchā sakavādissa, paṭiññā itarassa. Sesamettha yathāpāḷimeva niyyātīti.
အဗ္ယာကတကထာဝဏ္ဏနာ။
Abyākatakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၄၃) ၈. အဗ္ယာကတကထာ • (143) 8. Abyākatakathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၈. အဗ္ယာကတကထာဝဏ္ဏနာ • 8. Abyākatakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၈. အဗ္ယာကတကထာဝဏ္ဏနာ • 8. Abyākatakathāvaṇṇanā
