| Library / Tipiṭaka / తిపిటక • Tipiṭaka / పఞ్చపకరణ-అట్ఠకథా • Pañcapakaraṇa-aṭṭhakathā |
౮. అబ్యాకతకథావణ్ణనా
8. Abyākatakathāvaṇṇanā
౯౦౧-౯౦౨. ఇదాని అబ్యాకతకథా నామ హోతి. తత్థ ‘‘అత్థేసా, భిక్ఖవే, చేతనా, సా చ ఖో అబ్బోహారికా’’తి (పారా॰ ౨౩౫) వచనతో ‘‘సబ్బం సుపినగతస్స చిత్తం అబ్యాకత’’న్తి యేసం లద్ధి, సేయ్యథాపి ఏకచ్చానం ఉత్తరాపథకానఞ్ఞేవ, తే సన్ధాయ పుచ్ఛా సకవాదిస్స, పటిఞ్ఞా ఇతరస్స. సేసమేత్థ యథా పాళిమేవ నియ్యాతి. సుపినగతస్స చిత్తం అబ్బోహారికన్తి ఇదం ఆపత్తిం సన్ధాయ వుత్తం. సుపినగతస్స హి పాణాతిపాతాదివసేన కిఞ్చాపి అకుసలచిత్తం పవత్తతి, వత్థువికోపనం పన నత్థీతి న సక్కా తత్థ ఆపత్తిం పఞ్ఞపేతుం. ఇమినా కారణేన తం అబ్బోహారికం, న అబ్యాకతత్తాతి.
901-902. Idāni abyākatakathā nāma hoti. Tattha ‘‘atthesā, bhikkhave, cetanā, sā ca kho abbohārikā’’ti (pārā. 235) vacanato ‘‘sabbaṃ supinagatassa cittaṃ abyākata’’nti yesaṃ laddhi, seyyathāpi ekaccānaṃ uttarāpathakānaññeva, te sandhāya pucchā sakavādissa, paṭiññā itarassa. Sesamettha yathā pāḷimeva niyyāti. Supinagatassa cittaṃ abbohārikanti idaṃ āpattiṃ sandhāya vuttaṃ. Supinagatassa hi pāṇātipātādivasena kiñcāpi akusalacittaṃ pavattati, vatthuvikopanaṃ pana natthīti na sakkā tattha āpattiṃ paññapetuṃ. Iminā kāraṇena taṃ abbohārikaṃ, na abyākatattāti.
అబ్యాకతకథావణ్ణనా.
Abyākatakathāvaṇṇanā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / కథావత్థుపాళి • Kathāvatthupāḷi / (౨౧౫) ౮. అబ్యాకతకథా • (215) 8. Abyākatakathā
