| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৮. অব্যাকতকথাৰণ্ণনা
8. Abyākatakathāvaṇṇanā
৭০৬-৭০৮. ইদানি অব্যাকতকথা নাম হোতি। তত্থ ৰিপাককিরিযরূপনিব্বানসঙ্খাতং চতুব্বিধং অব্যাকতং অৰিপাকত্তা অব্যাকতন্তি ৰুত্তং। দিট্ঠিগতং ‘‘সস্সতো লোকোতি খো, ৰচ্ছ, অব্যাকতমেত’’ন্তি (সং॰ নি॰ ৪.৪১৬ থোকং ৰিসদিসং) সস্সতাদিভাৰেন অকথিতত্তা। যেসং পন ইমং ৰিভাগং অগ্গহেত্ৰা পুরিমাব্যাকতং ৰিয দিট্ঠিগতম্পি অব্যাকতন্তি লদ্ধি, সেয্যথাপি অন্ধকানঞ্চেৰ উত্তরাপথকানঞ্চ; তেসং তং ৰিভাগং দস্সেতুং দিট্ঠিগতং অব্যাকতন্তি পুচ্ছা সকৰাদিস্স, পটিঞ্ঞা ইতরস্স। সেসমেত্থ যথাপাল়িমেৰ নিয্যাতীতি।
706-708. Idāni abyākatakathā nāma hoti. Tattha vipākakiriyarūpanibbānasaṅkhātaṃ catubbidhaṃ abyākataṃ avipākattā abyākatanti vuttaṃ. Diṭṭhigataṃ ‘‘sassato lokoti kho, vaccha, abyākatameta’’nti (saṃ. ni. 4.416 thokaṃ visadisaṃ) sassatādibhāvena akathitattā. Yesaṃ pana imaṃ vibhāgaṃ aggahetvā purimābyākataṃ viya diṭṭhigatampi abyākatanti laddhi, seyyathāpi andhakānañceva uttarāpathakānañca; tesaṃ taṃ vibhāgaṃ dassetuṃ diṭṭhigataṃ abyākatanti pucchā sakavādissa, paṭiññā itarassa. Sesamettha yathāpāḷimeva niyyātīti.
অব্যাকতকথাৰণ্ণনা।
Abyākatakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৪৩) ৮. অব্যাকতকথা • (143) 8. Abyākatakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৮. অব্যাকতকথাৰণ্ণনা • 8. Abyākatakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৮. অব্যাকতকথাৰণ্ণনা • 8. Abyākatakathāvaṇṇanā
