| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. අබ්යාධිකත්ථෙරඅපදානං
5. Abyādhikattheraapadānaṃ
24.
24.
‘‘විපස්සිස්ස භගවතො, අග්ගිසාලං අදාසහං;
‘‘Vipassissa bhagavato, aggisālaṃ adāsahaṃ;
බ්යාධිකානඤ්ච ආවාසං, උණ්හොදකපටිග්ගහං.
Byādhikānañca āvāsaṃ, uṇhodakapaṭiggahaṃ.
25.
25.
‘‘තෙන කම්මෙනයං මය්හං, අත්තභාවො සුනිම්මිතො;
‘‘Tena kammenayaṃ mayhaṃ, attabhāvo sunimmito;
බ්යාධාහං නාභිජානාමි, පුඤ්ඤකම්මස්සිදං ඵලං.
Byādhāhaṃ nābhijānāmi, puññakammassidaṃ phalaṃ.
26.
26.
‘‘එකනවුතිතො කප්පෙ, යං සාලමදදිං තදා;
‘‘Ekanavutito kappe, yaṃ sālamadadiṃ tadā;
දුග්ගතිං නාභිජානාමි, අග්ගිසාලායිදං ඵලං.
Duggatiṃ nābhijānāmi, aggisālāyidaṃ phalaṃ.
27.
27.
සත්තරතනසම්පන්නො, චක්කවත්තී මහබ්බලො.
Sattaratanasampanno, cakkavattī mahabbalo.
28.
28.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා අබ්යාධිකො ථෙරො ඉමා ගාථායො අභාසිත්ථාති.
Itthaṃ sudaṃ āyasmā abyādhiko thero imā gāthāyo abhāsitthāti.
අබ්යාධිකත්ථෙරස්සාපදානං පඤ්චමං.
Abyādhikattherassāpadānaṃ pañcamaṃ.
Footnotes:
