| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༩. ཨབྱཱབཛ྄ཛྷསུཏྟཾ
9. Abyābajjhasuttaṃ
༢༤༠. ‘‘ཙཏཱུཧི , བྷིཀྑཝེ, དྷམྨེཧི སམནྣཱགཏོ ཡཐཱབྷཏཾ ནིཀྑིཏྟོ ཨེཝཾ ནིརཡེ། ཀཏམེཧི ཙཏཱུཧི? སབྱཱབཛ྄ཛྷེན ཀཱཡཀམྨེན, སབྱཱབཛ྄ཛྷེན ཝཙཱིཀམྨེན, སབྱཱབཛ྄ཛྷེན མནོཀམྨེན, སབྱཱབཛ྄ཛྷཱཡ དིཊྛིཡཱ – ཨིམེཧི ཁོ, བྷིཀྑཝེ, ཙཏཱུཧི དྷམྨེཧི སམནྣཱགཏོ ཡཐཱབྷཏཾ ནིཀྑིཏྟོ ཨེཝཾ ནིརཡེ།
240. ‘‘Catūhi , bhikkhave, dhammehi samannāgato yathābhataṃ nikkhitto evaṃ niraye. Katamehi catūhi? Sabyābajjhena kāyakammena, sabyābajjhena vacīkammena, sabyābajjhena manokammena, sabyābajjhāya diṭṭhiyā – imehi kho, bhikkhave, catūhi dhammehi samannāgato yathābhataṃ nikkhitto evaṃ niraye.
‘‘ཙཏཱུཧི , བྷིཀྑཝེ, དྷམྨེཧི སམནྣཱགཏོ ཡཐཱབྷཏཾ ནིཀྑིཏྟོ ཨེཝཾ སགྒེ། ཀཏམེཧི ཙཏཱུཧི? ཨབྱཱབཛ྄ཛྷེན ཀཱཡཀམྨེན, ཨབྱཱབཛ྄ཛྷེན ཝཙཱིཀམྨེན, ཨབྱཱབཛ྄ཛྷེན མནོཀམྨེན, ཨབྱཱབཛ྄ཛྷཱཡ དིཊྛིཡཱ – ཨིམེཧི ཁོ, བྷིཀྑཝེ, ཙཏཱུཧི དྷམྨེཧི སམནྣཱགཏོ ཡཐཱབྷཏཾ ནིཀྑིཏྟོ ཨེཝཾ སགྒེ’’ཏི། ནཝམཾ།
‘‘Catūhi , bhikkhave, dhammehi samannāgato yathābhataṃ nikkhitto evaṃ sagge. Katamehi catūhi? Abyābajjhena kāyakammena, abyābajjhena vacīkammena, abyābajjhena manokammena, abyābajjhāya diṭṭhiyā – imehi kho, bhikkhave, catūhi dhammehi samannāgato yathābhataṃ nikkhitto evaṃ sagge’’ti. Navamaṃ.
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༣-༩. སོཎཀཱཡནསུཏྟཱདིཝཎྞནཱ • 3-9. Soṇakāyanasuttādivaṇṇanā
