| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೬. ಅಭಿರೂಪನನ್ದಾಥೇರೀಅಪದಾನಂ
6. Abhirūpanandātherīapadānaṃ
೧೪೩.
143.
‘‘ಏಕನವುತಿತೋ ಕಪ್ಪೇ, ವಿಪಸ್ಸೀ ನಾಮ ನಾಯಕೋ।
‘‘Ekanavutito kappe, vipassī nāma nāyako;
ಉಪ್ಪಜ್ಜಿ ಚಾರುದಸ್ಸನೋ, ಸಬ್ಬಧಮ್ಮೇಸು ಚಕ್ಖುಮಾ॥
Uppajji cārudassano, sabbadhammesu cakkhumā.
೧೪೪.
144.
‘‘ತದಾಹಂ ಬನ್ಧುಮತಿಯಂ, ಇದ್ಧೇ ಫೀತೇ ಮಹಾಕುಲೇ।
‘‘Tadāhaṃ bandhumatiyaṃ, iddhe phīte mahākule;
ಜಾತಾ ಸುರೂಪಾ ದಯಿತಾ, ಪೂಜನೀಯಾ ಜನಸ್ಸ ಚ॥
Jātā surūpā dayitā, pūjanīyā janassa ca.
೧೪೫.
145.
‘‘ಉಪಗನ್ತ್ವಾ ಮಹಾವೀರಂ, ವಿಪಸ್ಸಿಂ ಲೋಕನಾಯಕಂ।
‘‘Upagantvā mahāvīraṃ, vipassiṃ lokanāyakaṃ;
ಧಮ್ಮಂ ಸುಣಿತ್ವಾ ಸರಣಂ, ಉಪೇಸಿಂ ನರನಾಯಕಂ॥
Dhammaṃ suṇitvā saraṇaṃ, upesiṃ naranāyakaṃ.
೧೪೬.
146.
‘‘ಸೀಲೇಸು ಸಂವುತಾ ಹುತ್ವಾ, ನಿಬ್ಬುತೇ ಚ ನರುತ್ತಮೇ।
‘‘Sīlesu saṃvutā hutvā, nibbute ca naruttame;
ಧಾತುಥೂಪಸ್ಸ ಉಪರಿ, ಸೋಣ್ಣಚ್ಛತ್ತಮಪೂಜಯಿಂ॥
Dhātuthūpassa upari, soṇṇacchattamapūjayiṃ.
೧೪೭.
147.
‘‘ಮುತ್ತಚಾಗಾ ಸೀಲವತೀ, ಯಾವಜೀವಂ ತತೋ ಚುತಾ।
‘‘Muttacāgā sīlavatī, yāvajīvaṃ tato cutā;
ಜಹಿತ್ವಾ ಮಾನುಸಂ ದೇಹಂ, ತಾವತಿಂಸೂಪಗಾ ಅಹಂ॥
Jahitvā mānusaṃ dehaṃ, tāvatiṃsūpagā ahaṃ.
೧೪೮.
148.
ರೂಪಸದ್ದೇಹಿ ಗನ್ಧೇಹಿ, ರಸೇಹಿ ಫುಸನೇಹಿ ಚ॥
Rūpasaddehi gandhehi, rasehi phusanehi ca.
೧೪೯.
149.
‘‘ಆಯುನಾಪಿ ಚ ವಣ್ಣೇನ, ಸುಖೇನ ಯಸಸಾಪಿ ಚ।
‘‘Āyunāpi ca vaṇṇena, sukhena yasasāpi ca;
ತಥೇವಾಧಿಪತೇಯ್ಯೇನ, ಅಧಿಗಯ್ಹ ವಿರೋಚಹಂ॥
Tathevādhipateyyena, adhigayha virocahaṃ.
೧೫೦.
150.
‘‘ಪಚ್ಛಿಮೇ ಚ ಭವೇ ದಾನಿ, ಜಾತಾಹಂ ಕಪಿಲವ್ಹಯೇ।
‘‘Pacchime ca bhave dāni, jātāhaṃ kapilavhaye;
ಧೀತಾ ಖೇಮಕಸಕ್ಕಸ್ಸ, ನನ್ದಾ ನಾಮಾತಿ ವಿಸ್ಸುತಾ॥
Dhītā khemakasakkassa, nandā nāmāti vissutā.
೧೫೧.
151.
ಯದಾಹಂ ಯೋಬ್ಬನಪ್ಪತ್ತಾ, ರೂಪಲಾವಞ್ಞಭೂಸಿತಾ॥
Yadāhaṃ yobbanappattā, rūpalāvaññabhūsitā.
೧೫೨.
152.
ಪಬ್ಬಾಜೇಸಿ ತತೋ ತಾತೋ, ಮಾ ಸಕ್ಯಾ ವಿನಸ್ಸಿಂಸುತಿ॥
Pabbājesi tato tāto, mā sakyā vinassiṃsuti.
೧೫೩.
153.
‘‘ಪಬ್ಬಜಿತ್ವಾ ತಥಾಗತಂ, ರೂಪದೇಸ್ಸಿಂ ನರುತ್ತಮಂ।
‘‘Pabbajitvā tathāgataṃ, rūpadessiṃ naruttamaṃ;
ಸುತ್ವಾನ ನೋಪಗಚ್ಛಾಮಿ, ಮಮ ರೂಪೇನ ಗಬ್ಬಿತಾ॥
Sutvāna nopagacchāmi, mama rūpena gabbitā.
೧೫೪.
154.
‘‘ಓವಾದಮ್ಪಿ ನ ಗಚ್ಛಾಮಿ, ಬುದ್ಧದಸ್ಸನಭೀರುತಾ।
‘‘Ovādampi na gacchāmi, buddhadassanabhīrutā;
ತದಾ ಜಿನೋ ಉಪಾಯೇನ, ಉಪನೇತ್ವಾ ಸಸನ್ತಿಕಂ॥
Tadā jino upāyena, upanetvā sasantikaṃ.
೧೫೫.
155.
೧೫೬.
156.
‘‘ತಾಯೋ ದಿಸ್ವಾ ಸುಸಂವಿಗ್ಗಾ, ವಿರತ್ತಾಸೇ ಕಳೇವರೇ।
‘‘Tāyo disvā susaṃviggā, virattāse kaḷevare;
ಅಟ್ಠಾಸಿಂ ಭವನಿಬ್ಬಿನ್ದಾ, ತದಾ ಮಂ ಆಹ ನಾಯಕೋ॥
Aṭṭhāsiṃ bhavanibbindā, tadā maṃ āha nāyako.
೧೫೭.
157.
‘‘‘ಆತುರಂ ಅಸುಚಿಂ ಪೂತಿಂ, ಪಸ್ಸ ನನ್ದೇ ಸಮುಸ್ಸಯಂ।
‘‘‘Āturaṃ asuciṃ pūtiṃ, passa nande samussayaṃ;
ಉಗ್ಘರನ್ತಂ ಪಗ್ಘರನ್ತಂ, ಬಾಲಾನಂ ಅಭಿನನ್ದಿತಂ॥
Uggharantaṃ paggharantaṃ, bālānaṃ abhinanditaṃ.
೧೫೮.
158.
‘‘‘ಅಸುಭಾಯ ಚಿತ್ತಂ ಭಾವೇಹಿ, ಏಕಗ್ಗಂ ಸುಸಮಾಹಿತಂ।
‘‘‘Asubhāya cittaṃ bhāvehi, ekaggaṃ susamāhitaṃ;
ಯಥಾ ಇದಂ ತಥಾ ಏತಂ, ಯಥಾ ಏತಂ ತಥಾ ಇದಂ॥
Yathā idaṃ tathā etaṃ, yathā etaṃ tathā idaṃ.
೧೫೯.
159.
‘‘‘ಏವಮೇತಂ ಅವೇಕ್ಖನ್ತೀ, ರತ್ತಿನ್ದಿವಮತನ್ದಿತಾ।
‘‘‘Evametaṃ avekkhantī, rattindivamatanditā;
ತತೋ ಸಕಾಯ ಪಞ್ಞಾಯ, ಅಭಿನಿಬ್ಬಿಜ್ಝ ವಚ್ಛಸಿ’॥
Tato sakāya paññāya, abhinibbijjha vacchasi’.
೧೬೦.
160.
ಯಥಾಭೂತಂ ಅಯಂ ಕಾಯೋ, ದಿಟ್ಠೋ ಸನ್ತರಬಾಹಿರೋ॥
Yathābhūtaṃ ayaṃ kāyo, diṭṭho santarabāhiro.
೧೬೧.
161.
‘‘ಅಥ ನಿಬ್ಬಿನ್ದಹಂ ಕಾಯೇ, ಅಜ್ಝತ್ತಞ್ಚ ವಿರಜ್ಜಹಂ।
‘‘Atha nibbindahaṃ kāye, ajjhattañca virajjahaṃ;
ಅಪ್ಪಮತ್ತಾ ವಿಸಂಯುತ್ತಾ, ಉಪಸನ್ತಾಮ್ಹಿ ನಿಬ್ಬುತಾ॥
Appamattā visaṃyuttā, upasantāmhi nibbutā.
೧೬೨.
162.
‘‘ಇದ್ಧೀಸು ಚ ವಸೀ ಹೋಮಿ, ದಿಬ್ಬಾಯ ಸೋತಧಾತುಯಾ।
‘‘Iddhīsu ca vasī homi, dibbāya sotadhātuyā;
ಚೇತೋಪರಿಯಞಾಣಸ್ಸ, ವಸೀ ಹೋಮಿ ಮಹಾಮುನೇ॥
Cetopariyañāṇassa, vasī homi mahāmune.
೧೬೩.
163.
‘‘ಪುಬ್ಬೇನಿವಾಸಂ ಜಾನಾಮಿ, ದಿಬ್ಬಚಕ್ಖು ವಿಸೋಧಿತಂ।
‘‘Pubbenivāsaṃ jānāmi, dibbacakkhu visodhitaṃ;
ಸಬ್ಬಾಸವಪರಿಕ್ಖೀಣಾ , ನತ್ಥಿ ದಾನಿ ಪುನಬ್ಭವೋ॥
Sabbāsavaparikkhīṇā , natthi dāni punabbhavo.
೧೬೪.
164.
‘‘ಅತ್ಥಧಮ್ಮನಿರುತ್ತೀಸು, ಪಟಿಭಾನೇ ತಥೇವ ಚ।
‘‘Atthadhammaniruttīsu, paṭibhāne tatheva ca;
ಞಾಣಂ ಮಮ ಮಹಾವೀರ, ಉಪ್ಪನ್ನಂ ತವ ಸನ್ತಿಕೇ॥
Ñāṇaṃ mama mahāvīra, uppannaṃ tava santike.
೧೬೫.
165.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವಾ॥
‘‘Kilesā jhāpitā mayhaṃ…pe… viharāmi anāsavā.
೧೬೬.
166.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೧೬೭.
167.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಅಭಿರೂಪನನ್ದಾ ಭಿಕ್ಖುನೀ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ abhirūpanandā bhikkhunī imā gāthāyo abhāsitthāti.
ಅಭಿರೂಪನನ್ದಾಥೇರಿಯಾಪದಾನಂ ಛಟ್ಠಂ।
Abhirūpanandātheriyāpadānaṃ chaṭṭhaṃ.
Footnotes:
