| Library / Tipiṭaka / တိပိဋက • Tipiṭaka / သမ္မောဟဝိနောဒနီ-အဋ္ဌကထာ • Sammohavinodanī-aṭṭhakathā |
၇. အဘိညေယ္ယာဒိဝာရဝဏ္ဏနာ
7. Abhiññeyyādivāravaṇṇanā
၁၀၃၀. သတ္တမဝာရေ သလက္ခဏပရိဂ္ဂာဟိကာယ အဘိညာယ ဝသေန အဘိညေယ္ယတာ ဝေဒိတဗ္ဗာ။ ဉာတတီရဏပဟာနပရိညာနံ ဝသေန ပရိညေယ္ယတာ။ သာ စ ရူပက္ခန္ဓော အဘိညေယ္ယော ပရိညေယ္ယော န ပဟာတဗ္ဗောတိအာဒီသု ဉာတတီရဏပရိညာဝသေနေဝ ဝေဒိတဗ္ဗာ။ သမုဒယသစ္စံ အဘိညေယ္ယံ ပရိညေယ္ယံ ပဟာတဗ္ဗန္တိအာဒီသု ပဟာနပရိညာဝသေန။
1030. Sattamavāre salakkhaṇapariggāhikāya abhiññāya vasena abhiññeyyatā veditabbā. Ñātatīraṇapahānapariññānaṃ vasena pariññeyyatā. Sā ca rūpakkhandho abhiññeyyo pariññeyyo na pahātabbotiādīsu ñātatīraṇapariññāvaseneva veditabbā. Samudayasaccaṃ abhiññeyyaṃ pariññeyyaṃ pahātabbantiādīsu pahānapariññāvasena.
အဋ္ဌမဝာရေ ရူပာဒိအာရမ္မဏာနံ စက္ခုဝိညာဏာဒီနံ ဝသေန သာရမ္မဏာနာရမ္မဏတာ ဝေဒိတဗ္ဗာ။ နဝမဝာရော ဥတ္တာနတ္ထောယေဝ။ ဒသမဝာရေပိ ယံ ဝတ္တဗ္ဗံ သိယာ တံ သဗ္ဗံ တတ္ထ တတ္ထ ပဉ္ဟာပုစ္ဆကဝာရေ ဝုတ္တမေဝာတိ။
Aṭṭhamavāre rūpādiārammaṇānaṃ cakkhuviññāṇādīnaṃ vasena sārammaṇānārammaṇatā veditabbā. Navamavāro uttānatthoyeva. Dasamavārepi yaṃ vattabbaṃ siyā taṃ sabbaṃ tattha tattha pañhāpucchakavāre vuttamevāti.
သမ္မောဟဝိနောဒနိယာ ဝိဘင္ဂဋ္ဌကထာယ
Sammohavinodaniyā vibhaṅgaṭṭhakathāya
ဓမ္မဟဒယဝိဘင္ဂဝဏ္ဏနာ နိဋ္ဌိတာ။
Dhammahadayavibhaṅgavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ဝိဘင္ဂပာဠိ • Vibhaṅgapāḷi / ၁၈. ဓမ္မဟဒယဝိဘင္ဂော • 18. Dhammahadayavibhaṅgo
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ဝိဘင္ဂ-မူလဋီကာ • Vibhaṅga-mūlaṭīkā / ၁၈. ဓမ္မဟဒယဝိဘင္ဂော • 18. Dhammahadayavibhaṅgo
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ဝိဘင္ဂ-အနုဋီကာ • Vibhaṅga-anuṭīkā / ၁၈. ဓမ္မဟဒယဝိဘင္ဂော • 18. Dhammahadayavibhaṅgo
