| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒཔཱལི༹ • Paṭisambhidāmaggapāḷi |
༥. ཨབྷིཉྙཱདིཝཱརོ
5. Abhiññādivāro
༣༤. ‘‘‘ཡཱཝཏཱ ཨབྷིཉྙཱཡ ཨབྷིཉྙཊྛོ ཉཱཏོ དིཊྛོ ཝིདིཏོ སཙྪིཀཏོ ཕསྶིཏོ པཉྙཱཡ། ཨཕསྶིཏོ པཉྙཱཡ ཨབྷིཉྙཊྛོ ནཏྠཱི’ཏི – ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི’’། ཨབྷིཉྙཱཡ ཨབྷིཉྙཊྛེ པཉྩཝཱིསཏི དྷམྨཱ , པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི།
34. ‘‘‘Yāvatā abhiññāya abhiññaṭṭho ñāto diṭṭho vidito sacchikato phassito paññāya. Aphassito paññāya abhiññaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Abhiññāya abhiññaṭṭhe pañcavīsati dhammā , pañcavīsati atthā, paññāsa niruttiyo, sataṃ ñāṇāni.
‘‘‘ཡཱཝཏཱ པརིཉྙཱཡ པརིཉྙཊྛོ…པེ॰… ཡཱཝཏཱ པཧཱནསྶ པཧཱནཊྛོ…པེ॰… ཡཱཝཏཱ བྷཱཝནཱཡ བྷཱཝནཊྛོ…པེ॰… ཡཱཝཏཱ སཙྪིཀིརིཡཱཡ སཙྪིཀིརིཡཊྛོ ཉཱཏོ དིཊྛོ ཝིདིཏོ སཙྪིཀཏོ ཕསྶིཏོ པཉྙཱཡ། ཨཕསྶིཏོ པཉྙཱཡ སཙྪིཀིརིཡཊྛོ ནཏྠཱི’ཏི – ཙཀྑུཾ ཨུདཔཱདི, ཉཱཎཾ ཨུདཔཱདི, པཉྙཱ ཨུདཔཱདི, ཝིཛྫཱ ཨུདཔཱདི, ཨཱལོཀོ ཨུདཔཱདི’’། སཙྪིཀིརིཡཱཡ སཙྪིཀིརིཡཊྛེ པཉྩཝཱིསཏི དྷམྨཱ, པཉྩཝཱིསཏི ཨཏྠཱ, པཉྙཱས ནིརུཏྟིཡོ, སཏཾ ཉཱཎཱནི།
‘‘‘Yāvatā pariññāya pariññaṭṭho…pe… yāvatā pahānassa pahānaṭṭho…pe… yāvatā bhāvanāya bhāvanaṭṭho…pe… yāvatā sacchikiriyāya sacchikiriyaṭṭho ñāto diṭṭho vidito sacchikato phassito paññāya. Aphassito paññāya sacchikiriyaṭṭho natthī’ti – cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’. Sacchikiriyāya sacchikiriyaṭṭhe pañcavīsati dhammā, pañcavīsati atthā, paññāsa niruttiyo, sataṃ ñāṇāni.
ཨབྷིཉྙཱཡ ཨབྷིཉྙཊྛེ, པརིཉྙཱཡ པརིཉྙཊྛེ, པཧཱནཱཡ པཧཱནཊྛེ, བྷཱཝནཱཡ བྷཱཝནཊྛེ, སཙྪིཀིརིཡཱཡ སཙྪིཀིརིཡཊྛེ པཉྩཝཱིསསཏཾ དྷམྨཱ, པཉྩཝཱིསསཏཾ ཨཏྠཱ, ཨཌྜྷཏེཡྻཱནི ནིརུཏྟིསཏཱནི, པཉྩ ཉཱཎསཏཱནི།
Abhiññāya abhiññaṭṭhe, pariññāya pariññaṭṭhe, pahānāya pahānaṭṭhe, bhāvanāya bhāvanaṭṭhe, sacchikiriyāya sacchikiriyaṭṭhe pañcavīsasataṃ dhammā, pañcavīsasataṃ atthā, aḍḍhateyyāni niruttisatāni, pañca ñāṇasatāni.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā / ༤-༨. སཏྟབོདྷིསཏྟཝཱརཱདིཝཎྞནཱ • 4-8. Sattabodhisattavārādivaṇṇanā
