| Library / Tipiṭaka / တိပိဋက • Tipiṭaka / မိလိန္ဒပဉ္ဟပာဠိ • Milindapañhapāḷi |
၁၁. အဘိဇာနန္တသတိပဉ္ဟော
11. Abhijānantasatipañho
၁၁. ရာဇာ အာဟ ‘‘ဘန္တေ နာဂသေန, သဗ္ဗာ သတိ အဘိဇာနန္တီ ဥပ္ပဇ္ဇတိ , ဥဒာဟု ကဋုမိကာဝ သတီ’’တိ? ‘‘အဘိဇာနန္တီပိ, မဟာရာဇ, ကဋုမိကာပိ သတီ’’တိ။ ‘‘ဧဝဉ္ဟိ ခော, ဘန္တေ နာဂသေန, သဗ္ဗာ သတိ အဘိဇာနန္တီ, နတ္ထိ ကဋုမိကာ သတီ’’တိ? ‘‘ယဒိ နတ္ထိ, မဟာရာဇ, ကဋုမိကာ သတိ, နတ္ထိ ကိဉ္စိ သိပ္ပိကာနံ ကမ္မာယတနေဟိ ဝာ သိပ္ပာယတနေဟိ ဝာ ဝိဇ္ဇာဋ္ဌာနေဟိ ဝာ ကရဏီယံ, နိရတ္ထကာ အာစရိယာ, ယသ္မာ စ ခော, မဟာရာဇ, အတ္ထိ ကဋုမိကာ သတိ, တသ္မာ အတ္ထိ ကမ္မာယတနေဟိ ဝာ သိပ္ပာယတနေဟိ ဝာ ဝိဇ္ဇာဋ္ဌာနေဟိ ဝာ ကရဏီယံ, အတ္ထော စ အာစရိယေဟီ’’တိ။
11. Rājā āha ‘‘bhante nāgasena, sabbā sati abhijānantī uppajjati , udāhu kaṭumikāva satī’’ti? ‘‘Abhijānantīpi, mahārāja, kaṭumikāpi satī’’ti. ‘‘Evañhi kho, bhante nāgasena, sabbā sati abhijānantī, natthi kaṭumikā satī’’ti? ‘‘Yadi natthi, mahārāja, kaṭumikā sati, natthi kiñci sippikānaṃ kammāyatanehi vā sippāyatanehi vā vijjāṭṭhānehi vā karaṇīyaṃ, niratthakā ācariyā, yasmā ca kho, mahārāja, atthi kaṭumikā sati, tasmā atthi kammāyatanehi vā sippāyatanehi vā vijjāṭṭhānehi vā karaṇīyaṃ, attho ca ācariyehī’’ti.
‘‘ကလ္လောသိ, ဘန္တေ နာဂသေနာ’’တိ။
‘‘Kallosi, bhante nāgasenā’’ti.
အဘိဇာနန္တသတိပဉ္ဟော ဧကာဒသမော။
Abhijānantasatipañho ekādasamo.
သတိဝဂ္ဂော ဆဋ္ဌော။
Sativaggo chaṭṭho.
ဣမသ္မိံ ဝဂ္ဂေ ဧကာဒသ ပဉ္ဟာ။
Imasmiṃ vagge ekādasa pañhā.
