| Library / Tipiṭaka / तिपिटक • Tipiṭaka / मिलिन्दपञ्हपाळि • Milindapañhapāḷi |
११. अभिजानन्तसतिपञ्हो
11. Abhijānantasatipañho
११. राजा आह ‘‘भन्ते नागसेन, सब्बा सति अभिजानन्ती उप्पज्जति , उदाहु कटुमिकाव सती’’ति? ‘‘अभिजानन्तीपि, महाराज, कटुमिकापि सती’’ति। ‘‘एवञ्हि खो, भन्ते नागसेन, सब्बा सति अभिजानन्ती, नत्थि कटुमिका सती’’ति? ‘‘यदि नत्थि, महाराज, कटुमिका सति, नत्थि किञ्चि सिप्पिकानं कम्मायतनेहि वा सिप्पायतनेहि वा विज्जाट्ठानेहि वा करणीयं, निरत्थका आचरिया, यस्मा च खो, महाराज, अत्थि कटुमिका सति, तस्मा अत्थि कम्मायतनेहि वा सिप्पायतनेहि वा विज्जाट्ठानेहि वा करणीयं, अत्थो च आचरियेही’’ति।
11. Rājā āha ‘‘bhante nāgasena, sabbā sati abhijānantī uppajjati , udāhu kaṭumikāva satī’’ti? ‘‘Abhijānantīpi, mahārāja, kaṭumikāpi satī’’ti. ‘‘Evañhi kho, bhante nāgasena, sabbā sati abhijānantī, natthi kaṭumikā satī’’ti? ‘‘Yadi natthi, mahārāja, kaṭumikā sati, natthi kiñci sippikānaṃ kammāyatanehi vā sippāyatanehi vā vijjāṭṭhānehi vā karaṇīyaṃ, niratthakā ācariyā, yasmā ca kho, mahārāja, atthi kaṭumikā sati, tasmā atthi kammāyatanehi vā sippāyatanehi vā vijjāṭṭhānehi vā karaṇīyaṃ, attho ca ācariyehī’’ti.
‘‘कल्लोसि, भन्ते नागसेना’’ति।
‘‘Kallosi, bhante nāgasenā’’ti.
अभिजानन्तसतिपञ्हो एकादसमो।
Abhijānantasatipañho ekādasamo.
सतिवग्गो छट्ठो।
Sativaggo chaṭṭho.
इमस्मिं वग्गे एकादस पञ्हा।
Imasmiṃ vagge ekādasa pañhā.
