| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၄. အဘယသုတ္တဝဏ္ဏနာ
4. Abhayasuttavaṇṇanā
၁၈၄. စတုတ္ထေ သောစတီတိ စိတ္တေ ဥပ္ပန္နဗလဝသောကေန သောစတိ, စိတ္တသန္တာပေန အန္တော နိဇ္ဈာယတီတိ အတ္ထော။ ကိလမတီတိ တသ္သေဝ သောကသ္သ ဝသေန ကာယေ စ ဥပ္ပန္နဒုက္ခေန ကိလမတိ။ ပရိဒေဝတီတိ သောကုဒ္ဒေဟကဝသေန တံ တံ ဝိပ္ပလပန္တော ဝာစာယ ပရိဒေဝတိ။ ဥရတ္တာဠိန္တိ ဥရတ္တာဠံ, ဥရံ တာဠေတ္ဝာတိ အတ္ထော။ တေနာဟ ‘‘ဥရံ တာဠေတ္ဝာ’’တိ။ ကင္ခာဝိစိကိစ္ဆာတိ ဧတ္ထ ‘‘ဧကမေဝိဒံ ပဉ္စမံ နီဝရဏံ။ ကိံ နု ခော ဣဒ’’န္တိ အာရမ္မဏံ ကင္ခနတော ကင္ခာ, ‘‘ဣဒမေဝ ဝရ’’န္တိ နိစ္ဆေတုံ အသမတ္ထဘာဝတော ‘‘ဝိစိကိစ္ဆာ’’တိ ဝုစ္စတိ – ‘‘ဓမ္မသဘာဝံ ဝိစိနန္တော ကိစ္ဆတိ, ဝိဂတာ စိကိစ္ဆာ’’တိ ဝာ ကတ္ဝာ။
184. Catutthe socatīti citte uppannabalavasokena socati, cittasantāpena anto nijjhāyatīti attho. Kilamatīti tasseva sokassa vasena kāye ca uppannadukkhena kilamati. Paridevatīti sokuddehakavasena taṃ taṃ vippalapanto vācāya paridevati. Urattāḷinti urattāḷaṃ, uraṃ tāḷetvāti attho. Tenāha ‘‘uraṃ tāḷetvā’’ti. Kaṅkhāvicikicchāti ettha ‘‘ekamevidaṃ pañcamaṃ nīvaraṇaṃ. Kiṃ nu kho ida’’nti ārammaṇaṃ kaṅkhanato kaṅkhā, ‘‘idameva vara’’nti nicchetuṃ asamatthabhāvato ‘‘vicikicchā’’ti vuccati – ‘‘dhammasabhāvaṃ vicinanto kicchati, vigatā cikicchā’’ti vā katvā.
အဘယသုတ္တဝဏ္ဏနာ နိဋ္ဌိတာ။
Abhayasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၄. အဘယသုတ္တံ • 4. Abhayasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၄. အဘယသုတ္တဝဏ္ဏနာ • 4. Abhayasuttavaṇṇanā
