| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૪. અભયસુત્તવણ્ણના
4. Abhayasuttavaṇṇanā
૧૮૪. ચતુત્થે સોચતીતિ ચિત્તે ઉપ્પન્નબલવસોકેન સોચતિ, ચિત્તસન્તાપેન અન્તો નિજ્ઝાયતીતિ અત્થો. કિલમતીતિ તસ્સેવ સોકસ્સ વસેન કાયે ચ ઉપ્પન્નદુક્ખેન કિલમતિ. પરિદેવતીતિ સોકુદ્દેહકવસેન તં તં વિપ્પલપન્તો વાચાય પરિદેવતિ. ઉરત્તાળિન્તિ ઉરત્તાળં, ઉરં તાળેત્વાતિ અત્થો. તેનાહ ‘‘ઉરં તાળેત્વા’’તિ. કઙ્ખાવિચિકિચ્છાતિ એત્થ ‘‘એકમેવિદં પઞ્ચમં નીવરણં. કિં નુ ખો ઇદ’’ન્તિ આરમ્મણં કઙ્ખનતો કઙ્ખા, ‘‘ઇદમેવ વર’’ન્તિ નિચ્છેતું અસમત્થભાવતો ‘‘વિચિકિચ્છા’’તિ વુચ્ચતિ – ‘‘ધમ્મસભાવં વિચિનન્તો કિચ્છતિ, વિગતા ચિકિચ્છા’’તિ વા કત્વા.
184. Catutthe socatīti citte uppannabalavasokena socati, cittasantāpena anto nijjhāyatīti attho. Kilamatīti tasseva sokassa vasena kāye ca uppannadukkhena kilamati. Paridevatīti sokuddehakavasena taṃ taṃ vippalapanto vācāya paridevati. Urattāḷinti urattāḷaṃ, uraṃ tāḷetvāti attho. Tenāha ‘‘uraṃ tāḷetvā’’ti. Kaṅkhāvicikicchāti ettha ‘‘ekamevidaṃ pañcamaṃ nīvaraṇaṃ. Kiṃ nu kho ida’’nti ārammaṇaṃ kaṅkhanato kaṅkhā, ‘‘idameva vara’’nti nicchetuṃ asamatthabhāvato ‘‘vicikicchā’’ti vuccati – ‘‘dhammasabhāvaṃ vicinanto kicchati, vigatā cikicchā’’ti vā katvā.
અભયસુત્તવણ્ણના નિટ્ઠિતા.
Abhayasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૪. અભયસુત્તં • 4. Abhayasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૪. અભયસુત્તવણ્ણના • 4. Abhayasuttavaṇṇanā
