| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૬. અભયસુત્તવણ્ણના
6. Abhayasuttavaṇṇanā
૨૩૭. છટ્ઠે અઞ્ઞાણાય અદસ્સનાયાતિ અઞ્ઞાણત્થાય અદસ્સનત્થાય. તગ્ઘ ભગવા નીવરણાતિ એકંસેન ભગવા નીવરણા. કાયકિલમથોતિ કાયદરથો. ચિત્તકિલમથોતિ ચિત્તદરથો. સોપિ મે પટિપ્પસ્સદ્ધોતિ તસ્સ કિર સત્થુ સન્તિકે સીતલં ઉતુસપ્પાયટ્ઠાનં પવિસિત્વા નિસિન્નસ્સ કાયદરથો પટિપસ્સમ્ભિ, તસ્મિં પટિપસ્સદ્ધે તદન્વયેનેવ ચિત્તદરથોપિ. અપિચ મગ્ગેનેવસ્સ એતં ઉભયમ્પિ પસ્સદ્ધન્તિ વેદિતબ્બં.
237. Chaṭṭhe aññāṇāya adassanāyāti aññāṇatthāya adassanatthāya. Taggha bhagavā nīvaraṇāti ekaṃsena bhagavā nīvaraṇā. Kāyakilamathoti kāyadaratho. Cittakilamathoti cittadaratho. Sopi me paṭippassaddhoti tassa kira satthu santike sītalaṃ utusappāyaṭṭhānaṃ pavisitvā nisinnassa kāyadaratho paṭipassambhi, tasmiṃ paṭipassaddhe tadanvayeneva cittadarathopi. Apica maggenevassa etaṃ ubhayampi passaddhanti veditabbaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૬. અભયસુત્તં • 6. Abhayasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૬. અભયસુત્તવણ્ણના • 6. Abhayasuttavaṇṇanā
