| Library / Tipiṭaka / তিপিটক • Tipiṭaka / চূল়ৰগ্গপাল়ি • Cūḷavaggapāḷi |
অব্ভানারহমূলাযপটিকস্সনাদি
Abbhānārahamūlāyapaṭikassanādi
১৩১. সো চিণ্ণমানত্তো অব্ভানারহো অন্তরা একং আপত্তিং আপজ্জি সঞ্চেতনিকং সুক্কৰিস্সট্ঠিং পঞ্চাহপ্পটিচ্ছন্নং। সো ভিক্খূনং আরোচেসি – ‘‘অহং, আৰুসো, একং আপত্তিং আপজ্জিং সঞ্চেতনিকং সুক্কৰিস্সট্ঠিং পক্খপ্পটিচ্ছন্নং…পে॰… সোহং চিণ্ণমানত্তো অব্ভানারহো অন্তরা একং আপত্তিং আপজ্জিং সঞ্চেতনিকং সুক্কৰিস্সট্ঠিং পঞ্চাহপ্পটিচ্ছন্নং। কথং নু খো মযা পটিপজ্জিতব্ব’’ন্তি? ভগৰতো এতমত্থং আরোচেসুং। ‘‘তেন হি, ভিক্খৰে, সঙ্ঘো উদাযিং ভিক্খুং অন্তরা একিস্সা আপত্তিযা সঞ্চেতনিকায সুক্কৰিস্সট্ঠিযা পঞ্চাহপ্পটিচ্ছন্নায মূলায পটিকস্সিত্ৰা পুরিমায আপত্তিযা সমোধানপরিৰাসং দত্ৰা ছারত্তং মানত্তং দেতু। এৰঞ্চ পন, ভিক্খৰে, মূলায পটিকস্সিতব্বো…পে॰…।
131. So ciṇṇamānatto abbhānāraho antarā ekaṃ āpattiṃ āpajji sañcetanikaṃ sukkavissaṭṭhiṃ pañcāhappaṭicchannaṃ. So bhikkhūnaṃ ārocesi – ‘‘ahaṃ, āvuso, ekaṃ āpattiṃ āpajjiṃ sañcetanikaṃ sukkavissaṭṭhiṃ pakkhappaṭicchannaṃ…pe… sohaṃ ciṇṇamānatto abbhānāraho antarā ekaṃ āpattiṃ āpajjiṃ sañcetanikaṃ sukkavissaṭṭhiṃ pañcāhappaṭicchannaṃ. Kathaṃ nu kho mayā paṭipajjitabba’’nti? Bhagavato etamatthaṃ ārocesuṃ. ‘‘Tena hi, bhikkhave, saṅgho udāyiṃ bhikkhuṃ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassitvā purimāya āpattiyā samodhānaparivāsaṃ datvā chārattaṃ mānattaṃ detu. Evañca pana, bhikkhave, mūlāya paṭikassitabbo…pe….
‘‘এৰঞ্চ পন, ভিক্খৰে, পুরিমায আপত্তিযা সমোধানপরিৰাসো দাতব্বো…পে॰…।
‘‘Evañca pana, bhikkhave, purimāya āpattiyā samodhānaparivāso dātabbo…pe….
‘‘এৰঞ্চ পন, ভিক্খৰে, ছারত্তং মানত্তং দাতব্বং…পে॰… দেতি…পে॰…।
‘‘Evañca pana, bhikkhave, chārattaṃ mānattaṃ dātabbaṃ…pe… deti…pe….
‘‘দিন্নং সঙ্ঘেন উদাযিস্স ভিক্খুনো অন্তরা একিস্সা আপত্তিযা সঞ্চেতনিকায সুক্কৰিস্সট্ঠিযা পঞ্চাহপ্পটিচ্ছন্নায ছারত্তং মানত্তং। খমতি সঙ্ঘস্স, তস্মা তুণ্হী, এৰমেতং ধারযামী’’তি।
‘‘Dinnaṃ saṅghena udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya chārattaṃ mānattaṃ. Khamati saṅghassa, tasmā tuṇhī, evametaṃ dhārayāmī’’ti.
