| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒཔཱལི༹ • Cūḷavaggapāḷi |
ཨབྦྷཱནཱརཧམཱུལཱཡཔཊིཀསྶནཱ
Abbhānārahamūlāyapaṭikassanā
༡༡༨. སོ ཙིཎྞམཱནཏྟོ ཨབྦྷཱནཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ། སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ…པེ॰… སོཧཾ ཙིཎྞམཱནཏྟོ ཨབྦྷཱནཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ ཨཔྤཊིཙྪནྣཾ། ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ། ‘‘ཏེན ཧི, བྷིཀྑཝེ, སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ མཱུལཱཡ པཊིཀསྶིཏྭཱ ཚཱརཏྟཾ མཱནཏྟཾ དེཏུ། ཨེཝཉྩ པན, བྷིཀྑཝེ, མཱུལཱཡ པཊིཀསྶིཏབྦོ…པེ॰…།
118. So ciṇṇamānatto abbhānāraho antarā ekaṃ āpattiṃ āpajji sañcetanikaṃ sukkavissaṭṭhiṃ appaṭicchannaṃ. So bhikkhūnaṃ ārocesi – ‘‘ahaṃ, āvuso, ekaṃ āpattiṃ āpajjiṃ sañcetanikaṃ sukkavissaṭṭhiṃ pañcāhappaṭicchannaṃ…pe… sohaṃ ciṇṇamānatto abbhānāraho antarā ekaṃ āpattiṃ āpajjiṃ sañcetanikaṃ sukkavissaṭṭhiṃ appaṭicchannaṃ. Kathaṃ nu kho mayā paṭipajjitabba’’nti? Bhagavato etamatthaṃ ārocesuṃ. ‘‘Tena hi, bhikkhave, saṅgho udāyiṃ bhikkhuṃ antarā ekissā āpattiyā sañcetanikāya sukkavissaṭṭhiyā appaṭicchannāya mūlāya paṭikassitvā chārattaṃ mānattaṃ detu. Evañca pana, bhikkhave, mūlāya paṭikassitabbo…pe….
‘‘ཨེཝཉྩ པན, བྷིཀྑཝེ, ཚཱརཏྟཾ མཱནཏྟཾ དཱཏབྦཾ…པེ॰…།
‘‘Evañca pana, bhikkhave, chārattaṃ mānattaṃ dātabbaṃ…pe….
‘‘དིནྣཾ སངྒྷེན ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ ཨཔྤཊིཙྪནྣཱཡ ཚཱརཏྟཾ མཱནཏྟཾ། ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི།
‘‘Dinnaṃ saṅghena udāyissa bhikkhuno antarā ekissā āpattiyā sañcetanikāya sukkavissaṭṭhiyā appaṭicchannāya chārattaṃ mānattaṃ. Khamati saṅghassa, tasmā tuṇhī, evametaṃ dhārayāmī’’ti.
