| Library / Tipiṭaka / තිපිටක • Tipiṭaka / අඞ්ගුත්තරනිකාය • Aṅguttaranikāya |
7-13. දුතියඣානසුත්තාදිසත්තකං
7-13. Dutiyajhānasuttādisattakaṃ
257-263. ‘‘පඤ්චිමෙ , භික්ඛවෙ, ධම්මෙ අප්පහාය අභබ්බො දුතියං ඣානං…පෙ.… අභබ්බො තතියං ඣානං… අභබ්බො චතුත්ථං ඣානං… අභබ්බො සොතාපත්තිඵලං… අභබ්බො සකදාගාමිඵලං… අභබ්බො අනාගාමිඵලං… අභබ්බො අරහත්තං 1 සච්ඡිකාතුං. කතමෙ පඤ්ච? ආවාසමච්ඡරියං , කුලමච්ඡරියං, ලාභමච්ඡරියං, වණ්ණමච්ඡරියං, ධම්මමච්ඡරියං – ඉමෙ ඛො, භික්ඛවෙ, පඤ්ච ධම්මෙ අප්පහාය අභබ්බො අරහත්තං සච්ඡිකාතුං.
257-263. ‘‘Pañcime , bhikkhave, dhamme appahāya abhabbo dutiyaṃ jhānaṃ…pe… abhabbo tatiyaṃ jhānaṃ… abhabbo catutthaṃ jhānaṃ… abhabbo sotāpattiphalaṃ… abhabbo sakadāgāmiphalaṃ… abhabbo anāgāmiphalaṃ… abhabbo arahattaṃ 2 sacchikātuṃ. Katame pañca? Āvāsamacchariyaṃ , kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ – ime kho, bhikkhave, pañca dhamme appahāya abhabbo arahattaṃ sacchikātuṃ.
‘‘පඤ්චිමෙ, භික්ඛවෙ, ධම්මෙ පහාය භබ්බො දුතියං ඣානං…පෙ.… භබ්බො තතියං ඣානං… භබ්බො චතුත්ථං ඣානං… භබ්බො සොතාපත්තිඵලං… භබ්බො සකදාගාමිඵලං… භබ්බො අනාගාමිඵලං… භබ්බො අරහත්තං සච්ඡිකාතුං. කතමෙ පඤ්ච? ආවාසමච්ඡරියං, කුලමච්ඡරියං, ලාභමච්ඡරියං, වණ්ණමච්ඡරියං, ධම්මමච්ඡරියං – ඉමෙ ඛො, භික්ඛවෙ, පඤ්ච ධම්මෙ පහාය භබ්බො අරහත්තං සච්ඡිකාතු’’න්ති. තෙරසමං.
‘‘Pañcime, bhikkhave, dhamme pahāya bhabbo dutiyaṃ jhānaṃ…pe… bhabbo tatiyaṃ jhānaṃ… bhabbo catutthaṃ jhānaṃ… bhabbo sotāpattiphalaṃ… bhabbo sakadāgāmiphalaṃ… bhabbo anāgāmiphalaṃ… bhabbo arahattaṃ sacchikātuṃ. Katame pañca? Āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ – ime kho, bhikkhave, pañca dhamme pahāya bhabbo arahattaṃ sacchikātu’’nti. Terasamaṃ.
Footnotes:
Related texts:
ටීකා • Tīkā / සුත්තපිටක (ටීකා) • Suttapiṭaka (ṭīkā) / අඞ්ගුත්තරනිකාය (ටීකා) • Aṅguttaranikāya (ṭīkā) / 1-10. පඨමදීඝචාරිකසුත්තාදිවණ්ණනා • 1-10. Paṭhamadīghacārikasuttādivaṇṇanā
