| Library / Tipiṭaka / തിപിടക • Tipiṭaka / പഞ്ചപകരണ-അനുടീകാ • Pañcapakaraṇa-anuṭīkā |
൫-൭. തിസ്സോപികഥാവണ്ണനാ
5-7. Tissopikathāvaṇṇanā
൮൯൮-൯൦൦. അരഹത്തപ്പത്തിപി ഗബ്ഭേയേവ അത്ഥീതി മഞ്ഞതി. സത്തവസ്സികാ ഹി സോപാകസാമണേരാദയോ അരഹത്തം പത്താ. സത്തവസ്സികോപി ഗബ്ഭോ അത്ഥീതി പരവാദിനോ അധിപ്പായോ. ആകാസേന ഗച്ഛന്തോ വിയ സുപിനം ആകാസസുപിനം. തം അഭിഞ്ഞാനിബ്ബത്തം മഞ്ഞതീതി നിദസ്സനം കത്വാ ദസ്സേന്തോ ആഹ ‘‘ആകാസഗമനാദിഅഭിഞ്ഞാ വിയാ’’തി. ഹേട്ഠിമാനം ചതുന്നം വാ മഗ്ഗാനം അധിഗമേന ധമ്മാഭിസമയോ അഗ്ഗഫലാധിഗമേന അരഹത്തപ്പത്തി ച സുപിനേ അത്ഥീതി മഞ്ഞതീതി യോജനാ.
898-900. Arahattappattipi gabbheyeva atthīti maññati. Sattavassikā hi sopākasāmaṇerādayo arahattaṃ pattā. Sattavassikopi gabbho atthīti paravādino adhippāyo. Ākāsena gacchanto viya supinaṃ ākāsasupinaṃ. Taṃ abhiññānibbattaṃ maññatīti nidassanaṃ katvā dassento āha ‘‘ākāsagamanādiabhiññā viyā’’ti. Heṭṭhimānaṃ catunnaṃ vā maggānaṃ adhigamena dhammābhisamayo aggaphalādhigamena arahattappatti ca supine atthīti maññatīti yojanā.
തിസ്സോപികഥാവണ്ണനാ നിട്ഠിതാ.
Tissopikathāvaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൨൧൨-൪) ൫-൭. തിസ്സോപികഥാ • (212-4) 5-7. Tissopikathā
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൫-൭. തിസ്സോപികഥാവണ്ണനാ • 5-7. Tissopikathāvaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൫-൭. തിസ്സോപികഥാവണ്ണനാ • 5-7. Tissopikathāvaṇṇanā
