| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
४६-४९. गोचरमूलकअभिनीहारसुत्तादिचतुक्कं
46-49. Gocaramūlakaabhinīhārasuttādicatukkaṃ
७०७. सावत्थिनिदानं… ‘‘समाधिस्मिं गोचरकुसलो होति, न समाधिस्मिं अभिनीहारकुसलो… समाधिस्मिं अभिनीहारकुसलो होति , न समाधिस्मिं गोचरकुसलो… नेव समाधिस्मिं गोचरकुसलो होति, न च समाधिस्मिं अभिनीहारकुसलो… समाधिस्मिं गोचरकुसलो च होति, समाधिस्मिं अभिनीहारकुसलो च… सेय्यथापि, भिक्खवे, गवा खीरं, खीरम्हा दधि, दधिम्हा नवनीतं, नवनीतम्हा सप्पि, सप्पिम्हा सप्पिमण्डो तत्र अग्गमक्खायति; एवमेव खो, भिक्खवे, य्वायं झायी समाधिस्मिं गोचरकुसलो च होति समाधिस्मिं अभिनीहारकुसलो च अयं इमेसं चतुन्नं झायीनं…पे॰… उत्तमो च पवरो चा’’ति। छचत्तालीसमं।
707. Sāvatthinidānaṃ… ‘‘samādhismiṃ gocarakusalo hoti, na samādhismiṃ abhinīhārakusalo… samādhismiṃ abhinīhārakusalo hoti , na samādhismiṃ gocarakusalo… neva samādhismiṃ gocarakusalo hoti, na ca samādhismiṃ abhinīhārakusalo… samādhismiṃ gocarakusalo ca hoti, samādhismiṃ abhinīhārakusalo ca… seyyathāpi, bhikkhave, gavā khīraṃ, khīramhā dadhi, dadhimhā navanītaṃ, navanītamhā sappi, sappimhā sappimaṇḍo tatra aggamakkhāyati; evameva kho, bhikkhave, yvāyaṃ jhāyī samādhismiṃ gocarakusalo ca hoti samādhismiṃ abhinīhārakusalo ca ayaṃ imesaṃ catunnaṃ jhāyīnaṃ…pe… uttamo ca pavaro cā’’ti. Chacattālīsamaṃ.
७०८. समाधिस्मिं गोचरकुसलो होति, न समाधिस्मिं सक्कच्चकारी…पे॰…। वित्थारेतब्बं। सत्तचत्तालीसमं।
708. Samādhismiṃ gocarakusalo hoti, na samādhismiṃ sakkaccakārī…pe…. Vitthāretabbaṃ. Sattacattālīsamaṃ.
७०९. समाधिस्मिं गोचरकुसलो होति, न समाधिस्मिं सातच्चकारी…पे॰…। अट्ठचत्तालीसमं।
709. Samādhismiṃ gocarakusalo hoti, na samādhismiṃ sātaccakārī…pe…. Aṭṭhacattālīsamaṃ.
७१०. समाधिस्मिं गोचरकुसलो होति, न समाधिस्मिं सप्पायकारी…पे॰…। एकूनपञ्ञासमं। (गोचरमूलकं।)
710. Samādhismiṃ gocarakusalo hoti, na samādhismiṃ sappāyakārī…pe…. Ekūnapaññāsamaṃ. (Gocaramūlakaṃ.)
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / २-५५. समाधिमूलकठितिसुत्तादिवण्णना • 2-55. Samādhimūlakaṭhitisuttādivaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / २-५५. समाधिमूलकठितिसुत्तादिवण्णना • 2-55. Samādhimūlakaṭhitisuttādivaṇṇanā
