| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৪৬-৪৮. বাহিরাতীতাদিযদনিচ্চসুত্তং
46-48. Bāhirātītādiyadaniccasuttaṃ
২১৩-২১৫. ‘‘রূপা, ভিক্খৰে, অনিচ্চা অতীতা অনাগতা পচ্চুপ্পন্না। যদনিচ্চং, তং দুক্খং। যং দুক্খং, তদনত্তা। যদনত্তা, তং ‘নেতং মম, নেসোহমস্মি, ন মেসো অত্তা’তি এৰমেতং যথাভূতং সম্মপ্পঞ্ঞায দট্ঠব্বং। সদ্দা… গন্ধা… রসা… ফোট্ঠব্বা… ধম্মা অনিচ্চা অতীতা অনাগতা পচ্চুপ্পন্না। যদনিচ্চং তং দুক্খং। যং দুক্খং তদনত্তা। যদনত্তা তং ‘নেতং মম, নেসোহমস্মি, ন মেসো অত্তা’তি এৰমেতং যথাভূতং সম্মপ্পঞ্ঞায দট্ঠব্বং। এৰং পস্সং…পে॰… নাপরং ইত্থত্তাযাতি পজানাতী’’তি।
213-215. ‘‘Rūpā, bhikkhave, aniccā atītā anāgatā paccuppannā. Yadaniccaṃ, taṃ dukkhaṃ. Yaṃ dukkhaṃ, tadanattā. Yadanattā, taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Saddā… gandhā… rasā… phoṭṭhabbā… dhammā aniccā atītā anāgatā paccuppannā. Yadaniccaṃ taṃ dukkhaṃ. Yaṃ dukkhaṃ tadanattā. Yadanattā taṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evaṃ passaṃ…pe… nāparaṃ itthattāyāti pajānātī’’ti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-৬০. অজ্ঝত্তঅনিচ্চছন্দসুত্তাদিৰণ্ণনা • 1-60. Ajjhattaaniccachandasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১-৬০. অজ্ঝত্তঅনিচ্চছন্দসুত্তাদিৰণ্ণনা • 1-60. Ajjhattaaniccachandasuttādivaṇṇanā
