| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३-५. पुण्णमन्ताणिपुत्तत्थेरअपदानं
3-5. Puṇṇamantāṇiputtattheraapadānaṃ
४३४.
434.
‘‘अज्झायको मन्तधरो, तिण्णं वेदान पारगू।
‘‘Ajjhāyako mantadharo, tiṇṇaṃ vedāna pāragū;
पुरक्खतोम्हि सिस्सेहि, उपगच्छिं नरुत्तमं॥
Purakkhatomhi sissehi, upagacchiṃ naruttamaṃ.
४३५.
435.
‘‘पदुमुत्तरो लोकविदू, आहुतीनं पटिग्गहो।
‘‘Padumuttaro lokavidū, āhutīnaṃ paṭiggaho;
मम कम्मं पकित्तेसि, सङ्खित्तेन महामुनि॥
Mama kammaṃ pakittesi, saṅkhittena mahāmuni.
४३६.
436.
‘‘ताहं धम्मं सुणित्वान, अभिवादेत्वान सत्थुनो।
‘‘Tāhaṃ dhammaṃ suṇitvāna, abhivādetvāna satthuno;
४३७.
437.
सब्बे सिस्सा अत्तमना, सुत्वान मम भासतो।
Sabbe sissā attamanā, sutvāna mama bhāsato;
सकं दिट्ठिं विनोदेत्वा, बुद्धे चित्तं पसादयुं॥
Sakaṃ diṭṭhiṃ vinodetvā, buddhe cittaṃ pasādayuṃ.
४३८.
438.
अभिधम्मनयञ्ञूहं , कथावत्थुविसुद्धिया।
Abhidhammanayaññūhaṃ , kathāvatthuvisuddhiyā;
सब्बेसं विञ्ञापेत्वान, विहरामि अनासवो॥
Sabbesaṃ viññāpetvāna, viharāmi anāsavo.
४३९.
439.
‘‘इतो पञ्चसते कप्पे, चतुरो सुप्पकासका।
‘‘Ito pañcasate kappe, caturo suppakāsakā;
सत्तरतनसम्पन्ना, चतुदीपम्हि इस्सरा॥
Sattaratanasampannā, catudīpamhi issarā.
४४०.
440.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा पुण्णो मन्ताणिपुत्तो थेरो इमा गाथायो अभासित्थाति।
Itthaṃ sudaṃ āyasmā puṇṇo mantāṇiputto thero imā gāthāyo abhāsitthāti.
पुण्णमन्ताणिपुत्तत्थेरस्सापदानं पञ्चमं।
Puṇṇamantāṇiputtattherassāpadānaṃ pañcamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ३-५. पुण्णमन्ताणिपुत्तत्थेरअपदानवण्णना • 3-5. Puṇṇamantāṇiputtattheraapadānavaṇṇanā
