| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၃-၁၀. သုဝဏ္ဏနိက္ခသုတ္တာဒိအဋ္ဌကံ
3-10. Suvaṇṇanikkhasuttādiaṭṭhakaṃ
၁၆၉. သာဝတ္ထိယံ ဝိဟရတိ။ပေ.။ ‘‘ဣဓာဟံ , ဘိက္ခဝေ, ဧကစ္စံ ပုဂ္ဂလံ ဧဝံ စေတသာ စေတော ပရိစ္စ ပဇာနာမိ – ‘န စာယမာယသ္မာ သုဝဏ္ဏနိက္ခသ္သာပိ ဟေတု။ပေ.။ သုဝဏ္ဏနိက္ခသတသ္သာပိ ဟေတု။ သိင္ဂီနိက္ခသ္သာပိ ဟေတု။ သိင္ဂီနိက္ခသတသ္သာပိ ဟေတု။ ပထဝိယာပိ ဇာတရူပပရိပူရာယ ဟေတု။ အာမိသကိဉ္စိက္ခဟေတုပိ။ ဇီဝိတဟေတုပိ။ ဇနပဒကလ္ယာဏိယာပိ ဟေတု သမ္ပဇာနမုသာ ဘာသေယ္ယာ’တိ။ တမေနံ ပသ္သာမိ အပရေန သမယေန လာဘသက္ကာရသိလောကေန အဘိဘူတံ ပရိယာဒိဏ္ဏစိတ္တံ သမ္ပဇာနမုသာ ဘာသန္တံ။ ဧဝံ ဒာရုဏော ခော, ဘိက္ခဝေ, လာဘသက္ကာရသိလောကော။ပေ.။ ဧဝဉ္ဟိ ဝော, ဘိက္ခဝေ, သိက္ခိတဗ္ဗ’’န္တိ။ ဒသမံ။
169. Sāvatthiyaṃ viharati…pe… ‘‘idhāhaṃ , bhikkhave, ekaccaṃ puggalaṃ evaṃ cetasā ceto paricca pajānāmi – ‘na cāyamāyasmā suvaṇṇanikkhassāpi hetu…pe… suvaṇṇanikkhasatassāpi hetu… siṅgīnikkhassāpi hetu… siṅgīnikkhasatassāpi hetu… pathaviyāpi jātarūpaparipūrāya hetu… āmisakiñcikkhahetupi… jīvitahetupi… janapadakalyāṇiyāpi hetu sampajānamusā bhāseyyā’ti. Tamenaṃ passāmi aparena samayena lābhasakkārasilokena abhibhūtaṃ pariyādiṇṇacittaṃ sampajānamusā bhāsantaṃ. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Dasamaṃ.
ဒုတိယော ဝဂ္ဂော။
Dutiyo vaggo.
တသ္သုဒ္ဒာနံ –
Tassuddānaṃ –
ဒ္ဝေ ပာတိ ဒ္ဝေ သုဝဏ္ဏာ စ၊ သိင္ဂီဟိ အပရေ ဒုဝေ။
Dve pāti dve suvaṇṇā ca, siṅgīhi apare duve;
ပထဝီ ကိဉ္စိက္ခဇီဝိတံ၊ ဇနပဒကလ္ယာဏိယာ ဒသာတိ။
Pathavī kiñcikkhajīvitaṃ, janapadakalyāṇiyā dasāti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃-၁၀. သုဝဏ္ဏနိက္ခသုတ္တာဒိဝဏ္ဏနာ • 3-10. Suvaṇṇanikkhasuttādivaṇṇanā
