| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၂-၇. သံယောဇနပ္ပဟာနာဒိသုတ္တဆက္ကံ
2-7. Saṃyojanappahānādisuttachakkaṃ
၄၂-၄၇. ‘‘သစေ ဝော, ဘိက္ခဝေ, အညတိတ္ထိယာ ပရိဗ္ဗာဇကာ ဧဝံ ပုစ္ဆေယ္ယုံ – ‘ကိမတ္ထိယံ, အာဝုသော, သမဏေ ဂောတမေ ဗ္ရဟ္မစရိယံ ဝုသ္သတီ’တိ, ဧဝံ ပုဋ္ဌာ တုမ္ဟေ, ဘိက္ခဝေ, တေသံ အညတိတ္ထိယာနံ ပရိဗ္ဗာဇကာနံ ဧဝံ ဗ္ယာကရေယ္ယာထ – ‘သံယောဇနပ္ပဟာနတ္ထံ ခော, အာဝုသော, ဘဂဝတိ ဗ္ရဟ္မစရိယံ ဝုသ္သတီ’တိ။ပေ.။ ‘အနုသယသမုဂ္ဃာတနတ္ထံ ခော, အာဝုသော, ဘဂဝတိ ဗ္ရဟ္မစရိယံ ဝုသ္သတီ’တိ။ပေ.။ ‘အဒ္ဓာနပရိညတ္ထံ ခော, အာဝုသော, ဘဂဝတိ ဗ္ရဟ္မစရိယံ ဝုသ္သတီ’တိ။ပေ.။ ‘အာသဝာနံ ခယတ္ထံ ခော, အာဝုသော, ဘဂဝတိ ဗ္ရဟ္မစရိယံ ဝုသ္သတီ’တိ။ပေ.။ ‘ဝိဇ္ဇာဝိမုတ္တိဖလသစ္ဆိကိရိယတ္ထံ ခော, အာဝုသော, ဘဂဝတိ ဗ္ရဟ္မစရိယံ ဝုသ္သတီ’တိ။ပေ.။ ‘ဉာဏဒသ္သနတ္ထံ ခော, အာဝုသော, ဘဂဝတိ ဗ္ရဟ္မစရိယံ ဝုသ္သတီ’တိ။ပေ.။။ သတ္တမံ။
42-47. ‘‘Sace vo, bhikkhave, aññatitthiyā paribbājakā evaṃ puccheyyuṃ – ‘kimatthiyaṃ, āvuso, samaṇe gotame brahmacariyaṃ vussatī’ti, evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyātha – ‘saṃyojanappahānatthaṃ kho, āvuso, bhagavati brahmacariyaṃ vussatī’ti…pe… ‘anusayasamugghātanatthaṃ kho, āvuso, bhagavati brahmacariyaṃ vussatī’ti…pe… ‘addhānapariññatthaṃ kho, āvuso, bhagavati brahmacariyaṃ vussatī’ti…pe… ‘āsavānaṃ khayatthaṃ kho, āvuso, bhagavati brahmacariyaṃ vussatī’ti…pe… ‘vijjāvimuttiphalasacchikiriyatthaṃ kho, āvuso, bhagavati brahmacariyaṃ vussatī’ti…pe… ‘ñāṇadassanatthaṃ kho, āvuso, bhagavati brahmacariyaṃ vussatī’ti…pe…. Sattamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. အညတိတ္ထိယပေယ္ယာလဝဂ္ဂဝဏ္ဏနာ • 5. Aññatitthiyapeyyālavaggavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅. အညတိတ္ထိယပေယ္ယာလဝဂ္ဂဝဏ္ဏနာ • 5. Aññatitthiyapeyyālavaggavaṇṇanā
