| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
(૯) ૪. ઇદ્ધિપાદવગ્ગો
(9) 4. Iddhipādavaggo
૧. સિક્ખસુત્તં
1-9. Sikkhasuttaṃ
૮૩. ‘‘પઞ્ચિમાનિ , ભિક્ખવે, સિક્ખાદુબ્બલ્યાનિ. કતમાનિ પઞ્ચ? પાણાતિપાતો…પે॰… સુરામેરયમજ્જપમાદટ્ઠાનં – ઇમાનિ ખો, ભિક્ખવે, પઞ્ચ સિક્ખાદુબ્બલ્યાનિ.
83. ‘‘Pañcimāni , bhikkhave, sikkhādubbalyāni. Katamāni pañca? Pāṇātipāto…pe… surāmerayamajjapamādaṭṭhānaṃ – imāni kho, bhikkhave, pañca sikkhādubbalyāni.
‘‘ઇમેસં ખો, ભિક્ખવે, પઞ્ચન્નં સિક્ખાદુબ્બલ્યાનં પહાનાય ચત્તારો ઇદ્ધિપાદા ભાવેતબ્બા. કતમે ચત્તારો? ઇધ , ભિક્ખવે, ભિક્ખુ છન્દસમાધિપધાનસઙ્ખારસમન્નાગતં ઇદ્ધિપાદં ભાવેતિ, વીરિયસમાધિ… ચિત્તસમાધિ… વીમંસાસમાધિપધાનસઙ્ખારસમન્નાગતં ઇદ્ધિપાદં ભાવેતિ. ઇમેસં ખો, ભિક્ખવે, પઞ્ચન્નં સિક્ખાદુબ્બલ્યાનં પહાનાય ઇમે ચત્તારો ઇદ્ધિપાદા ભાવેતબ્બા’’તિ. પઠમં.
‘‘Imesaṃ kho, bhikkhave, pañcannaṃ sikkhādubbalyānaṃ pahānāya cattāro iddhipādā bhāvetabbā. Katame cattāro? Idha , bhikkhave, bhikkhu chandasamādhipadhānasaṅkhārasamannāgataṃ iddhipādaṃ bhāveti, vīriyasamādhi… cittasamādhi… vīmaṃsāsamādhipadhānasaṅkhārasamannāgataṃ iddhipādaṃ bhāveti. Imesaṃ kho, bhikkhave, pañcannaṃ sikkhādubbalyānaṃ pahānāya ime cattāro iddhipādā bhāvetabbā’’ti. Paṭhamaṃ.
૮૪-૯૧. (યથા સતિપટ્ઠાનવગ્ગે તથા ઇદ્ધિપાદવસેન વિત્થારેતબ્બા.)
84-91. (Yathā satipaṭṭhānavagge tathā iddhipādavasena vitthāretabbā.)
