| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၆. ဂင္ဂာပေယ္ယာလဝဂ္ဂော
6. Gaṅgāpeyyālavaggo
၁-၁၂. ပာစီနာဒိသုတ္တဒ္ဝာဒသကံ
1-12. Pācīnādisuttadvādasakaṃ
၇၅၉-၇၇၀. ‘‘သေယ္ယထာပိ , ဘိက္ခဝေ, ဂင္ဂာ နဒီ ပာစီနနိန္နာ ပာစီနပောဏာ ပာစီနပဗ္ဘာရာ ; ဧဝမေဝ ခော, ဘိက္ခဝေ, ဘိက္ခု ပဉ္စ ဗလာနိ ဘာဝေန္တော ပဉ္စ ဗလာနိ ဗဟုလီကရောန္တော နိဗ္ဗာနနိန္နော ဟောတိ နိဗ္ဗာနပောဏော နိဗ္ဗာနပဗ္ဘာရော။ ကထဉ္စ, ဘိက္ခဝေ, ဘိက္ခု ပဉ္စ ဗလာနိ ဘာဝေန္တော ပဉ္စ ဗလာနိ ဗဟုလီကရောန္တော နိဗ္ဗာနနိန္နော ဟောတိ နိဗ္ဗာနပောဏော နိဗ္ဗာနပဗ္ဘာရော? ဣဓ, ဘိက္ခဝေ, ဘိက္ခု, သဒ္ဓာဗလံ ဘာဝေတိ ရာဂဝိနယပရိယောသာနံ ဒောသဝိနယပရိယောသာနံ မောဟဝိနယပရိယောသာနံ။ပေ.။ ဧဝံ ခော, ဘိက္ခဝေ, ဘိက္ခု ပဉ္စ ဗလာနိ ဘာဝေန္တော ပဉ္စ ဗလာနိ ဗဟုလီကရောန္တော နိဗ္ဗာနနိန္နော ဟောတိ နိဗ္ဗာနပောဏော နိဗ္ဗာနပဗ္ဘာရော’’တိ။ (ဝိတ္ထာရေတဗ္ဗာ) ဒ္ဝာဒသမံ။
759-770. ‘‘Seyyathāpi , bhikkhave, gaṅgā nadī pācīnaninnā pācīnapoṇā pācīnapabbhārā ; evameva kho, bhikkhave, bhikkhu pañca balāni bhāvento pañca balāni bahulīkaronto nibbānaninno hoti nibbānapoṇo nibbānapabbhāro. Kathañca, bhikkhave, bhikkhu pañca balāni bhāvento pañca balāni bahulīkaronto nibbānaninno hoti nibbānapoṇo nibbānapabbhāro? Idha, bhikkhave, bhikkhu, saddhābalaṃ bhāveti rāgavinayapariyosānaṃ dosavinayapariyosānaṃ mohavinayapariyosānaṃ…pe… evaṃ kho, bhikkhave, bhikkhu pañca balāni bhāvento pañca balāni bahulīkaronto nibbānaninno hoti nibbānapoṇo nibbānapabbhāro’’ti. (Vitthāretabbā) dvādasamaṃ.
ဂင္ဂာပေယ္ယာလဝဂ္ဂော ဆဋ္ဌော။
Gaṅgāpeyyālavaggo chaṭṭho.
တသ္သုဒ္ဒာနံ –
Tassuddānaṃ –
ဆ ပာစီနတော နိန္နာ၊ ဆ နိန္နာ စ သမုဒ္ဒတော။
Cha pācīnato ninnā, cha ninnā ca samuddato;
ဒ္ဝေတေ ဆ ဒ္ဝာဒသ ဟောန္တိ၊ ဝဂ္ဂော တေန ပဝုစ္စတီတိ။
Dvete cha dvādasa honti, vaggo tena pavuccatīti.
အပ္ပမာဒ-ဗလကရဏီယဝဂ္ဂာ ဝိတ္ထာရေတဗ္ဗာ။
Appamāda-balakaraṇīyavaggā vitthāretabbā.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆. ဗလသံယုတ္တဝဏ္ဏနာ • 6. Balasaṃyuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၆. ဗလသံယုတ္တဝဏ္ဏနာ • 6. Balasaṃyuttavaṇṇanā
