| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. аббамаад̣̇аваг̇г̇о
2. Appamādavaggo
(аббамаад̣̇аваг̇г̇о саммаббад̇хаанавасзна вид̇т̇аарзд̇аб̣б̣о).
(Appamādavaggo sammappadhānavasena vitthāretabbo).
д̇ассуд̣̇д̣̇аанам̣ –
Tassuddānaṃ –
д̇ат̇ааг̇ад̇ам̣ бад̣̇ам̣ гуудам̣, муулам̣ саарзна вассигам̣;
Tathāgataṃ padaṃ kūṭaṃ, mūlaṃ sārena vassikaṃ;
рааж̇аа жанд̣̇имасуурияаа, вад̇т̇зна д̣̇асамам̣ бад̣̇анд̇и.
Rājā candimasūriyā, vatthena dasamaṃ padanti.
3. б̣алагаран̣ийяаваг̇г̇о
3. Balakaraṇīyavaggo
1-12. б̣алагаран̣ийяаад̣̇исуд̇д̇ад̣̇ваад̣̇асагам̣
1-12. Balakaraṇīyādisuttadvādasakaṃ
673-684. ‘‘сзяяат̇ааби , бхигкавз, яз гзжи б̣алагаран̣ийяаа гамманд̇аа гаяиранд̇и, саб̣б̣з д̇з бат̇авим̣ ниссааяа бат̇авияам̣ бад̇идтааяа звамзд̇з б̣алагаран̣ийяаа гамманд̇аа гаяиранд̇и; звамзва ко, бхигкавз, бхигку сийлам̣ ниссааяа сийлз бад̇идтааяа жад̇д̇ааро саммаббад̇хаанз бхаавзд̇и, жад̇д̇ааро саммаббад̇хаанз б̣ахулийгарод̇и. гат̇ан̃жа, бхигкавз, бхигку сийлам̣ ниссааяа сийлз бад̇идтааяа жад̇д̇ааро саммаббад̇хаанз бхаавзд̇и, жад̇д̇ааро саммаббад̇хаанз б̣ахулийгарод̇и? ид̇ха, бхигкавз, бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и…бз… уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и. звам̣ ко, бхигкавз, бхигку сийлам̣ ниссааяа сийлз бад̇идтааяа жад̇д̇ааро саммаббад̇хаанз бхаавзд̇и, жад̇д̇ааро саммаббад̇хаанз б̣ахулийгарод̇ий’’д̇и. (звам̣ б̣алагаран̣ийяаваг̇г̇о саммаббад̇хаанавасзна вид̇т̇аарзд̇аб̣б̣о). д̣̇ваад̣̇асамам̣.
673-684. ‘‘Seyyathāpi , bhikkhave, ye keci balakaraṇīyā kammantā kayiranti, sabbe te pathaviṃ nissāya pathaviyaṃ patiṭṭhāya evamete balakaraṇīyā kammantā kayiranti; evameva kho, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkaroti. Kathañca, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkaroti? Idha, bhikkhave, bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati…pe… uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati. Evaṃ kho, bhikkhave, bhikkhu sīlaṃ nissāya sīle patiṭṭhāya cattāro sammappadhāne bhāveti, cattāro sammappadhāne bahulīkarotī’’ti. (Evaṃ balakaraṇīyavaggo sammappadhānavasena vitthāretabbo). Dvādasamaṃ.
б̣алагаран̣ийяаваг̇г̇о д̇ад̇ияо.
Balakaraṇīyavaggo tatiyo.
д̇ассуд̣̇д̣̇аанам̣ –
Tassuddānaṃ –
б̣алам̣ б̣ийж̇ан̃жа нааг̇о жа, ругко гумбхзна суугияаа;
Balaṃ bījañca nāgo ca, rukkho kumbhena sūkiyā;
аагаасзна жа д̣̇вз мзгхаа, нааваа ааг̇анд̇угаа над̣̇ийд̇и.
Ākāsena ca dve meghā, nāvā āgantukā nadīti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. саммаббад̇хаанасам̣яуд̇д̇аван̣н̣анаа • 5. Sammappadhānasaṃyuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. саммаббад̇хаанасам̣яуд̇д̇аван̣н̣анаа • 5. Sammappadhānasaṃyuttavaṇṇanā
