| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
(၁၈) ၈. ရာဂပေယ္ယာလံ
(18) 8. Rāgapeyyālaṃ
၁၈၄. ‘‘ရာဂသ္သ , ဘိက္ခဝေ, အဘိညာယ တယော ဓမ္မာ ဘာဝေတဗ္ဗာ။ ကတမေ တယော? သုညတော သမာဓိ, အနိမိတ္တော သမာဓိ, အပ္ပဏိဟိတော သမာဓိ – ရာဂသ္သ, ဘိက္ခဝေ, အဘိညာယ ဣမေ တယော ဓမ္မာ ဘာဝေတဗ္ဗာ။ ( ) 1
184. ‘‘Rāgassa , bhikkhave, abhiññāya tayo dhammā bhāvetabbā. Katame tayo? Suññato samādhi, animitto samādhi, appaṇihito samādhi – rāgassa, bhikkhave, abhiññāya ime tayo dhammā bhāvetabbā. ( ) 2
‘‘ရာဂသ္သ , ဘိက္ခဝေ, ပရိညာယ။ပေ.။ ပရိက္ခယာယ။ ပဟာနာယ။ ခယာယ။ ဝယာယ။ ဝိရာဂာယ။ နိရောဓာယ။ စာဂာယ။ ပဋိနိသ္သဂ္ဂာယ ဣမေ တယော ဓမ္မာ ဘာဝေတဗ္ဗာ။
‘‘Rāgassa , bhikkhave, pariññāya…pe… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime tayo dhammā bhāvetabbā.
‘‘ဒောသသ္သ။ မောဟသ္သ။ ကောဓသ္သ။ ဥပနာဟသ္သ။ မက္ခသ္သ။ ပလာသသ္သ။ ဣသ္သာယ။ မစ္ဆရိယသ္သ။ မာယာယ။ သာဌေယ္ယသ္သ။ ထမ္ဘသ္သ။ သာရမ္ဘသ္သ။ မာနသ္သ။ အတိမာနသ္သ။ မဒသ္သ။ ပမာဒသ္သ အဘိညာယ။ ပရိညာယ။ ပရိက္ခယာယ။ ပဟာနာယ။ ခယာယ။ ဝယာယ။ ဝိရာဂာယ။ နိရောဓာယ။ စာဂာယ။ ပဋိနိသ္သဂ္ဂာယ ဣမေ တယော ဓမ္မာ ဘာဝေတဗ္ဗာ’’တိ။
‘‘Dosassa… mohassa… kodhassa… upanāhassa… makkhassa… palāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya… pariññāya… parikkhayāya… pahānāya… khayāya… vayāya… virāgāya… nirodhāya… cāgāya… paṭinissaggāya ime tayo dhammā bhāvetabbā’’ti.
(ဣဒမဝောစ ဘဂဝာ။ အတ္တမနာ တေ ဘိက္ခူ ဘဂဝတော ဘာသိတံ အဘိနန္ဒုန္တိ။) 3
(Idamavoca bhagavā. Attamanā te bhikkhū bhagavato bhāsitaṃ abhinandunti.) 4
ရာဂပေယ္ယာလံ နိဋ္ဌိတံ။
Rāgapeyyālaṃ niṭṭhitaṃ.
တသ္သုဒ္ဒာနံ –
Tassuddānaṃ –
မက္ခပဠာသဣသ္သာ စ၊ မစ္ဆရိမာယာသာဌေယ္ယာ။
Makkhapaḷāsaissā ca, maccharimāyāsāṭheyyā.
ထမ္ဘသာရမ္ဘမာနဉ္စ၊ အတိမာနမဒသ္သ စ။
Thambhasārambhamānañca, atimānamadassa ca;
ပမာဒာ သတ္တရသ ဝုတ္တာ၊ ရာဂပေယ္ယာလနိသ္သိတာ။
Pamādā sattarasa vuttā, rāgapeyyālanissitā.
ဧတေ ဩပမ္မယုတ္တေန၊ အာပာဒေန အဘိညာယ။
Ete opammayuttena, āpādena abhiññāya;
ပရိညာယ ပရိက္ခယာ၊ ပဟာနက္ခယဗ္ဗယေန။
Pariññāya parikkhayā, pahānakkhayabbayena;
ဝိရာဂနိရောဓစာဂံ၊ ပဋိနိသ္သဂ္ဂေ ဣမေ ဒသ။
Virāganirodhacāgaṃ, paṭinissagge ime dasa.
သုညတော အနိမိတ္တော စ၊ အပ္ပဏိဟိတော စ တယော။
Suññato animitto ca, appaṇihito ca tayo;
သမာဓိမူလကာ ပေယ္ယာလေသုပိ ဝဝတ္ထိတာ စာတိ။
Samādhimūlakā peyyālesupi vavatthitā cāti.
တိကနိပာတပာဠိ နိဋ္ဌိတာ။
Tikanipātapāḷi niṭṭhitā.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁၇-၁၈. ပေယ္ယာလဝဂ္ဂာဒိဝဏ္ဏနာ • 17-18. Peyyālavaggādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ပေယ္ယာလဝဂ္ဂဝဏ္ဏနာ • Peyyālavaggavaṇṇanā
