| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
(༡༠) ༥. རཱགཔེཡྻཱལཾ
(10) 5. Rāgapeyyālaṃ
༩༣. ‘‘རཱགསྶ , བྷིཀྑཝེ, ཨབྷིཉྙཱཡ ནཝ དྷམྨཱ བྷཱཝེཏབྦཱ། ཀཏམེ ནཝ? ཨསུབྷསཉྙཱ, མརཎསཉྙཱ, ཨཱཧཱརེ པཊིཀཱུལསཉྙཱ, སབྦལོཀེ ཨནབྷིརཏསཉྙཱ, ཨནིཙྩསཉྙཱ, ཨནིཙྩེ དུཀྑསཉྙཱ, དུཀྑེ ཨནཏྟསཉྙཱ, པཧཱནསཉྙཱ, ཝིརཱགསཉྙཱ – རཱགསྶ, བྷིཀྑཝེ ཨབྷིཉྙཱཡ ཨིམེ ནཝ དྷམྨཱ བྷཱཝེཏབྦཱ’’ཏི།
93. ‘‘Rāgassa , bhikkhave, abhiññāya nava dhammā bhāvetabbā. Katame nava? Asubhasaññā, maraṇasaññā, āhāre paṭikūlasaññā, sabbaloke anabhiratasaññā, aniccasaññā, anicce dukkhasaññā, dukkhe anattasaññā, pahānasaññā, virāgasaññā – rāgassa, bhikkhave abhiññāya ime nava dhammā bhāvetabbā’’ti.
༩༤. ‘‘རཱགསྶ, བྷིཀྑཝེ, ཨབྷིཉྙཱཡ ནཝ དྷམྨཱ བྷཱཝེཏབྦཱ། ཀཏམེ ནཝ? པཋམཾ ཛྷཱནཾ, དུཏིཡཾ ཛྷཱནཾ, ཏཏིཡཾ ཛྷཱནཾ, ཙཏུཏྠཾ ཛྷཱནཾ, ཨཱཀཱསཱནཉྩཱཡཏནཾ, ཝིཉྙཱཎཉྩཱཡཏནཾ, ཨཱཀིཉྩཉྙཱཡཏནཾ, ནེཝསཉྙཱནཱསཉྙཱཡཏནཾ, སཉྙཱཝེདཡིཏནིརོདྷོ – རཱགསྶ, བྷིཀྑཝེ, ཨབྷིཉྙཱཡ ཨིམེ ནཝ དྷམྨཱ བྷཱཝེཏབྦཱ’’ཏི།
94. ‘‘Rāgassa, bhikkhave, abhiññāya nava dhammā bhāvetabbā. Katame nava? Paṭhamaṃ jhānaṃ, dutiyaṃ jhānaṃ, tatiyaṃ jhānaṃ, catutthaṃ jhānaṃ, ākāsānañcāyatanaṃ, viññāṇañcāyatanaṃ, ākiñcaññāyatanaṃ, nevasaññānāsaññāyatanaṃ, saññāvedayitanirodho – rāgassa, bhikkhave, abhiññāya ime nava dhammā bhāvetabbā’’ti.
༩༥-༡༡༢. ‘‘རཱགསྶ, བྷིཀྑཝེ, པརིཉྙཱཡ…པེ॰… པརིཀྑཡཱཡ…པེ॰… པཧཱནཱཡ…པེ॰… ཁཡཱཡ…པེ॰… ཝཡཱཡ…པེ॰… ཝིརཱགཱཡ…པེ॰… ནིརོདྷཱཡ…པེ॰… ཙཱགཱཡ…པེ॰… པཊིནིསྶགྒཱཡ…པེ॰… ཨིམེ ནཝ དྷམྨཱ བྷཱཝེཏབྦཱ’’།
95-112. ‘‘Rāgassa, bhikkhave, pariññāya…pe… parikkhayāya…pe… pahānāya…pe… khayāya…pe… vayāya…pe… virāgāya…pe… nirodhāya…pe… cāgāya…pe… paṭinissaggāya…pe… ime nava dhammā bhāvetabbā’’.
༡༡༣-༤༣༢. ‘‘དོསསྶ…པེ॰… མོཧསྶ… ཀོདྷསྶ… ཨུཔནཱཧསྶ… མཀྑསྶ… པལཱ༹སསྶ… ཨིསྶཱཡ… མཙྪརིཡསྶ… མཱཡཱཡ… སཱཋེཡྻསྶ… ཐམྦྷསྶ… སཱརམྦྷསྶ… མཱནསྶ… ཨཏིམཱནསྶ… མདསྶ… པམཱདསྶ ཨབྷིཉྙཱཡ…པེ॰… པརིཉྙཱཡ… པརིཀྑཡཱཡ… པཧཱནཱཡ… ཁཡཱཡ… ཝཡཱཡ… ཝིརཱགཱཡ… ནིརོདྷཱཡ … ཙཱགཱཡ… པཊིནིསྶགྒཱཡ…པེ॰… ཨིམེ ནཝ དྷམྨཱ བྷཱཝེཏབྦཱ’’ཏི།
113-432. ‘‘Dosassa…pe… mohassa… kodhassa… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa abhiññāya…pe… pariññāya… parikkhayāya… pahānāya… khayāya… vayāya… virāgāya… nirodhāya … cāgāya… paṭinissaggāya…pe… ime nava dhammā bhāvetabbā’’ti.
རཱགཔེཡྻཱལཾ ནིཊྛིཏཾ།
Rāgapeyyālaṃ niṭṭhitaṃ.
ནཝཀནིཔཱཏཔཱལི༹ ནིཊྛིཏཱ།
Navakanipātapāḷi niṭṭhitā.
