| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
៧. សំវិធានសិក្ខាបទវណ្ណនា
7. Saṃvidhānasikkhāpadavaṇṇanā
១៨១. តា ភិក្ខុនិយោ ទូសយិំសូតិ វិបរិណាមោ កាតព្ពោ។
181. Tā bhikkhuniyo dūsayiṃsūti vipariṇāmo kātabbo.
១៨២-៤. សម្បទន្តីតិ បទសា គច្ឆន្តិ។ វុត្តនយេនេវាតិ ‘‘សម្បតន្តិ ឯត្ថាតិ សម្បាតោ’’តិអាទិនា។ បទគតេ ឧបចារោ ន លព្ភតិ, អច្ចាសន្នត្តា មិស្សំ វិយ ហោតីតិ។ កុក្កុដវស្សិតបរិច្ឆិន្នោ មហាអដ្ឋកថាយំ។ ‘‘តម្បិ វោហារេនា’’តិ លិខិតំ។ ‘‘យេភុយ្យេន តថា សន្និវេសោ ហោតីតិ កត្វា អដ្ឋកថាយំ វុត្តំ, តស្មា ន បមាទលេខោ’’តិ ច, ‘‘ឧក្កដ្ឋបរិច្ឆេទេន វុត្តំ អដ្ឋកថាយំ, តតោ ឧទ្ធំ អទ្ធយោជនលក្ខណសម្បត្តំ នាម ហោតីតិ គហេតព្ព’’ន្តិ ច វុត្តំ។ ‘‘កប្បិយភូមិ កិរាយំ…បេ.… ន វទន្តី’’តិ វុត្តំ។ ទុទ្ទសញ្ហេត្ថ ការណំ។ កតរំ បន តន្តិ? ‘‘គច្ឆាមាតិ សំវិទហតិ, អាបត្តិ ទុក្កដស្សា’’តិ វុត្តំ។ តត្ថ ‘‘គច្ឆាមា’’តិ វត្តមានវចនន្តញ្ច, អមគ្គេ ភិក្ខុនុបស្សយាទិម្ហិ ន សម្ភវតិយេវ មនុស្សានំ អន្តរឃរាទិម្ហិ មគ្គសង្ខេបគមនតោ, ឧច្ចាសយនាទិឧប្បត្តិដ្ឋានត្តា ច។ ន តិត្ថិយសេយ្យាយ វា បព្ពជិតាវាសត្តា។ ទ្វារេតិ សមីបត្ថេ ភុម្មំ, តស្មា តំ ទស្សេតុំ បុន ‘‘រថិកាយា’’តិ អាហ។ សេសអដ្ឋកថាយំ ‘‘ឯត្ថន្តរេ សំវិទហិតេបិ ភិក្ខុនោ ទុក្កដ’’ន្តិ អាគតត្តា ន សមេតិ។ ‘‘គាមន្តរេ’’តិ វចនតោ អញ្ញគាមស្ស ឧបចារោក្កមនេ ឯវ អាបត្តិ។ ‘‘អទ្ធយោជនេ’’តិ វចនតោ អតិក្កមនេយេវ យុត្តំ។
182-4.Sampadantīti padasā gacchanti. Vuttanayenevāti ‘‘sampatanti etthāti sampāto’’tiādinā. Padagate upacāro na labbhati, accāsannattā missaṃ viya hotīti. Kukkuṭavassitaparicchinno mahāaṭṭhakathāyaṃ. ‘‘Tampi vohārenā’’ti likhitaṃ. ‘‘Yebhuyyena tathā sanniveso hotīti katvā aṭṭhakathāyaṃ vuttaṃ, tasmā na pamādalekho’’ti ca, ‘‘ukkaṭṭhaparicchedena vuttaṃ aṭṭhakathāyaṃ, tato uddhaṃ addhayojanalakkhaṇasampattaṃ nāma hotīti gahetabba’’nti ca vuttaṃ. ‘‘Kappiyabhūmi kirāyaṃ…pe… na vadantī’’ti vuttaṃ. Duddasañhettha kāraṇaṃ. Kataraṃ pana tanti? ‘‘Gacchāmāti saṃvidahati, āpatti dukkaṭassā’’ti vuttaṃ. Tattha ‘‘gacchāmā’’ti vattamānavacanantañca, amagge bhikkhunupassayādimhi na sambhavatiyeva manussānaṃ antaragharādimhi maggasaṅkhepagamanato, uccāsayanādiuppattiṭṭhānattā ca. Na titthiyaseyyāya vā pabbajitāvāsattā. Dvāreti samīpatthe bhummaṃ, tasmā taṃ dassetuṃ puna ‘‘rathikāyā’’ti āha. Sesaaṭṭhakathāyaṃ ‘‘etthantare saṃvidahitepi bhikkhuno dukkaṭa’’nti āgatattā na sameti. ‘‘Gāmantare’’ti vacanato aññagāmassa upacārokkamane eva āpatti. ‘‘Addhayojane’’ti vacanato atikkamaneyeva yuttaṃ.
១៨៥. រដ្ឋភេទេតិ វិលោបេ។ បោរាណគណ្ឋិបទេ ‘‘តយោបិ សង្កេតា កាលទិវសមគ្គវសេន, តត្ថ បច្ឆិមេនេវ អាបត្តី’’តិ វុត្តំ។ ‘‘ឥមិនា មគ្គេនា’’តិ វិស្សជ្ជេត្វា អញ្ញេន គច្ឆន្តិ ចេ, អាបត្តិយេវាតិ អត្ថោ។
185.Raṭṭhabhedeti vilope. Porāṇagaṇṭhipade ‘‘tayopi saṅketā kāladivasamaggavasena, tattha pacchimeneva āpattī’’ti vuttaṃ. ‘‘Iminā maggenā’’ti vissajjetvā aññena gacchanti ce, āpattiyevāti attho.
សំវិធានសិក្ខាបទវណ្ណនា និដ្ឋិតា។
Saṃvidhānasikkhāpadavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវិភង្គ • Mahāvibhaṅga / ៣. ឱវាទវគ្គោ • 3. Ovādavaggo
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវិភង្គ-អដ្ឋកថា • Mahāvibhaṅga-aṭṭhakathā / ៧. សំវិធានសិក្ខាបទវណ្ណនា • 7. Saṃvidhānasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ៧. សំវិទហនសិក្ខាបទវណ្ណនា • 7. Saṃvidahanasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ៧. សំវិធានសិក្ខាបទវណ្ណនា • 7. Saṃvidhānasikkhāpadavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៧. សំវិធានសិក្ខាបទំ • 7. Saṃvidhānasikkhāpadaṃ
