| Library / Tipiṭaka / តិបិដក • Tipiṭaka / ថេរគាថាបាឡិ • Theragāthāpāḷi |
១៦. វិមលត្ថេរគាថា
16. Vimalattheragāthā
២៦៤.
264.
‘‘បាបមិត្តេ វិវជ្ជេត្វា, ភជេយ្យុត្តមបុគ្គលំ;
‘‘Pāpamitte vivajjetvā, bhajeyyuttamapuggalaṃ;
ឱវាទេ ចស្ស តិដ្ឋេយ្យ, បត្ថេន្តោ អចលំ សុខំ។
Ovāde cassa tiṭṭheyya, patthento acalaṃ sukhaṃ.
២៦៥.
265.
‘‘បរិត្តំ ទារុមារុយ្ហ, យថា សីទេ មហណ្ណវេ;
‘‘Parittaṃ dārumāruyha, yathā sīde mahaṇṇave;
ឯវំ កុសីតមាគម្ម, សាធុជីវីបិ សីទតិ;
Evaṃ kusītamāgamma, sādhujīvīpi sīdati;
តស្មា តំ បរិវជ្ជេយ្យ, កុសីតំ ហីនវីរិយំ។
Tasmā taṃ parivajjeyya, kusītaṃ hīnavīriyaṃ.
២៦៦.
266.
‘‘បវិវិត្តេហិ អរិយេហិ, បហិតត្តេហិ ឈាយិភិ;
‘‘Pavivittehi ariyehi, pahitattehi jhāyibhi;
និច្ចំ អារទ្ធវីរិយេហិ, បណ្ឌិតេហិ សហាវសេ’’តិ។
Niccaṃ āraddhavīriyehi, paṇḍitehi sahāvase’’ti.
… វិមលោ ថេរោ…។
… Vimalo thero….
តិកនិបាតោ និដ្ឋិតោ។
Tikanipāto niṭṭhito.
តត្រុទ្ទានំ –
Tatruddānaṃ –
អង្គណិកោ ភារទ្វាជោ, បច្ចយោ ពាកុលោ ឥសិ;
Aṅgaṇiko bhāradvājo, paccayo bākulo isi;
ធនិយោ មាតង្គបុត្តោ, សោភិតោ វារណោ ឥសិ។
Dhaniyo mātaṅgaputto, sobhito vāraṇo isi.
វស្សិកោ ច យសោជោ ច, សាដិមត្តិយុបាលិ ច;
Vassiko ca yasojo ca, sāṭimattiyupāli ca;
ឧត្តរបាលោ អភិភូតោ, គោតមោ ហារិតោបិ ច។
Uttarapālo abhibhūto, gotamo hāritopi ca.
ថេរោ តិកនិបាតម្ហិ, និព្ពានេ វិមលោ កតោ;
Thero tikanipātamhi, nibbāne vimalo kato;
អដ្ឋតាលីស គាថាយោ, ថេរា សោឡស កិត្តិតាតិ។
Aṭṭhatālīsa gāthāyo, therā soḷasa kittitāti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរគាថា-អដ្ឋកថា • Theragāthā-aṭṭhakathā / ១៦. វិមលត្ថេរគាថាវណ្ណនា • 16. Vimalattheragāthāvaṇṇanā
