| Library / Tipiṭaka / តិបិដក • Tipiṭaka / ថេរគាថាបាឡិ • Theragāthāpāḷi |
៦. ឆក្កនិបាតោ
6. Chakkanipāto
១. ឧរុវេឡកស្សបត្ថេរគាថា
1. Uruveḷakassapattheragāthā
៣៧៥.
375.
‘‘ទិស្វាន បាដិហីរានិ, គោតមស្ស យសស្សិនោ;
‘‘Disvāna pāṭihīrāni, gotamassa yasassino;
ន តាវាហំ បណិបតិំ, ឥស្សាមានេន វញ្ចិតោ។
Na tāvāhaṃ paṇipatiṃ, issāmānena vañcito.
៣៧៦.
376.
‘‘មម សង្កប្បមញ្ញាយ, ចោទេសិ នរសារថិ;
‘‘Mama saṅkappamaññāya, codesi narasārathi;
តតោ មេ អាសិ សំវេគោ, អព្ភុតោ លោមហំសនោ។
Tato me āsi saṃvego, abbhuto lomahaṃsano.
៣៧៧.
377.
‘‘បុព្ពេ ជដិលភូតស្ស, យា មេ សិទ្ធិ បរិត្តិកា;
‘‘Pubbe jaṭilabhūtassa, yā me siddhi parittikā;
៣៧៨.
378.
‘‘បុព្ពេ យញ្ញេន សន្តុដ្ឋោ, កាមធាតុបុរក្ខតោ;
‘‘Pubbe yaññena santuṭṭho, kāmadhātupurakkhato;
បច្ឆា រាគញ្ច ទោសញ្ច, មោហញ្ចាបិ សមូហនិំ។
Pacchā rāgañca dosañca, mohañcāpi samūhaniṃ.
៣៧៩.
379.
‘‘បុព្ពេនិវាសំ ជានាមិ, ទិព្ពចក្ខុ វិសោធិតំ;
‘‘Pubbenivāsaṃ jānāmi, dibbacakkhu visodhitaṃ;
ឥទ្ធិមា បរចិត្តញ្ញូ, ទិព្ពសោតញ្ច បាបុណិំ។
Iddhimā paracittaññū, dibbasotañca pāpuṇiṃ.
៣៨០.
380.
‘‘យស្ស ចត្ថាយ បព្ពជិតោ, អគារស្មានគារិយំ;
‘‘Yassa catthāya pabbajito, agārasmānagāriyaṃ;
សោ មេ អត្ថោ អនុប្បត្តោ, សព្ពសំយោជនក្ខយោ’’តិ។
So me attho anuppatto, sabbasaṃyojanakkhayo’’ti.
… ឧរុវេឡកស្សបោ ថេរោ…។
… Uruveḷakassapo thero….
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ថេរគាថា-អដ្ឋកថា • Theragāthā-aṭṭhakathā / ១. ឧរុវេលកស្សបត្ថេរគាថាវណ្ណនា • 1. Uruvelakassapattheragāthāvaṇṇanā
