| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. សុមង្គលត្ថេរអបទានំ
2. Sumaṅgalattheraapadānaṃ
១១.
11.
‘‘អត្ថទស្សី ជិនវរោ, លោកជេដ្ឋោ នរាសភោ;
‘‘Atthadassī jinavaro, lokajeṭṭho narāsabho;
វិហារា អភិនិក្ខម្ម, តឡាកំ ឧបសង្កមិ។
Vihārā abhinikkhamma, taḷākaṃ upasaṅkami.
១២.
12.
‘‘ន្ហត្វា បិត្វា ច សម្ពុទ្ធោ, ឧត្តរិត្វេកចីវរោ;
‘‘Nhatvā pitvā ca sambuddho, uttaritvekacīvaro;
អដ្ឋាសិ ភគវា តត្ថ, វិលោកេន្តោ ទិសោទិសំ។
Aṭṭhāsi bhagavā tattha, vilokento disodisaṃ.
១៣.
13.
‘‘ភវនេ ឧបវិដ្ឋោហំ, អទ្ទសំ លោកនាយកំ;
‘‘Bhavane upaviṭṭhohaṃ, addasaṃ lokanāyakaṃ;
ហដ្ឋោ ហដ្ឋេន ចិត្តេន, អប្ផោដេសិំ អហំ តទា។
Haṭṭho haṭṭhena cittena, apphoṭesiṃ ahaṃ tadā.
១៤.
14.
នច្ចគីតេ បយុត្តោហំ, បញ្ចង្គតូរិយម្ហិ ច។
Naccagīte payuttohaṃ, pañcaṅgatūriyamhi ca.
១៥.
15.
‘‘យំ យំ យោនុបបជ្ជាមិ, ទេវត្តំ អថ មានុសំ;
‘‘Yaṃ yaṃ yonupapajjāmi, devattaṃ atha mānusaṃ;
១៦.
16.
‘‘នមោ តេ បុរិសាជញ្ញ, នមោ តេ បុរិសុត្តម;
‘‘Namo te purisājañña, namo te purisuttama;
អត្តានំ តោសយិត្វាន, បរេ តោសេសិ ត្វំ មុនិ។
Attānaṃ tosayitvāna, pare tosesi tvaṃ muni.
១៧.
17.
ឧបដ្ឋហិត្វា សម្ពុទ្ធំ, តុសិតំ ឧបបជ្ជហំ។
Upaṭṭhahitvā sambuddhaṃ, tusitaṃ upapajjahaṃ.
១៨.
18.
‘‘សោឡសេតោ កប្បសតេ, ទ្វិនវឯកចិន្តិតា;
‘‘Soḷaseto kappasate, dvinavaekacintitā;
សត្តរតនសម្បន្នា, ចក្កវត្តី មហព្ពលា។
Sattaratanasampannā, cakkavattī mahabbalā.
១៩.
19.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សុមង្គលោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā sumaṅgalo thero imā gāthāyo abhāsitthāti.
សុមង្គលត្ថេរស្សាបទានំ ទុតិយំ។
Sumaṅgalattherassāpadānaṃ dutiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ២. សុមង្គលត្ថេរអបទានវណ្ណនា • 2. Sumaṅgalattheraapadānavaṇṇanā
