| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
២. ឧបោសថក្ខន្ធកោ
2. Uposathakkhandhako
សន្និបាតានុជាននាទិកថាវណ្ណនា
Sannipātānujānanādikathāvaṇṇanā
១៣២. ឧបោសថក្ខន្ធកេ តរន្តិ ឱតរន្តិ ឯត្ថាតិ តិត្ថំ, លទ្ធិ។ ឥតោតិ សាសនលទ្ធិតោ។
132. Uposathakkhandhake taranti otaranti etthāti titthaṃ, laddhi. Itoti sāsanaladdhito.
១៣៥. អាបជ្ជិត្វា វា វុដ្ឋិតោតិ ឯត្ថ ទេសនារោចនានម្បិ សង្គហោ។ តេនេវ មាតិកាដ្ឋកថាយំ ‘‘វុដ្ឋិតា វា ទេសិតា វា អារោចិតា វា អាបត្តិ…បេ.… អសន្តី នាម ហោតី’’តិ (កង្ខា. អដ្ឋ. និទានវណ្ណនា) វុត្តំ។
135.Āpajjitvā vā vuṭṭhitoti ettha desanārocanānampi saṅgaho. Teneva mātikāṭṭhakathāyaṃ ‘‘vuṭṭhitā vā desitā vā ārocitā vā āpatti…pe… asantī nāma hotī’’ti (kaṅkhā. aṭṭha. nidānavaṇṇanā) vuttaṃ.
មនុជេនាតិ អាសន្នេន សហ។ បរេតិ ទូរដ្ឋេបិ បរបុគ្គលេ សន្ធាយ គិរំ នោ ច ភណេយ្យាតិ យោជនា។
Manujenāti āsannena saha. Pareti dūraṭṭhepi parapuggale sandhāya giraṃ no ca bhaṇeyyāti yojanā.
‘‘អាវិកតា ហិស្ស ផាសុ ហោតី’’តិ (មហាវ. ១៣៤) វុត្តត្តា គរុកាបត្តិបិ អាវិករណមត្តេន វុដ្ឋាតីតិ កេចិ វទន្តិ, តំ តេសំ មតិមត្តំ បរិវាសាទិវិធានសុត្តេហិ វិរុជ្ឈនតោ។ អយំ បនេត្ថ អធិប្បាយោ – យថាភូតញ្ហិ អត្តានមាវិករោន្តំ បេសលា ភិក្ខូ ‘‘អកាមា បរិវត្ថព្ព’’ន្តិអាទិវចនំ និស្សាយ អនិច្ឆមានម្បិ នំ ឧបាយេន បរិវាសាទីនិ ទត្វា អវស្សំ សុទ្ធន្តេ បតិដ្ឋាបេស្សន្តិ, តតោ តស្ស អវិប្បដិសារាទីនំ វសេន ផាសុ ហោតិ។ បឋមំ បាតិមោក្ខុទ្ទេសន្តិ និទានុទ្ទេសំ ទស្សេតិ។ បុព្ពេ អវិជ្ជមានំ បញ្ញាបេសីតិ។ ន កេវលញ្ច ឯតំ, បុព្ពេ បញ្ញត្តម្បិ បន បារាជិកាទិសិក្ខាបទំ សព្ពំ ភគវា ‘‘តត្រិមេ ចត្តារោ បារាជិកា ធម្មា ឧទ្ទេសំ អាគច្ឆន្តី’’តិអាទិនា បារាជិកុទ្ទេសាទិវសេន វិនយមាតិកំ កត្វា និទានុទ្ទេសេន សហ សយមេវ សង្គហេត្វា ‘‘បាតិមោក្ខ’’ន្តិ បញ្ញាបេសីតិ ទដ្ឋព្ពំ។ តទេតំ សព្ពម្បិ សន្ធាយ ‘‘អនុជានាមិ, ភិក្ខវេ, បាតិមោក្ខំ ឧទ្ទិសិតុ’’ន្តិ (មហាវ. ១៣៣) វុត្តំ។
‘‘Āvikatā hissa phāsu hotī’’ti (mahāva. 134) vuttattā garukāpattipi āvikaraṇamattena vuṭṭhātīti keci vadanti, taṃ tesaṃ matimattaṃ parivāsādividhānasuttehi virujjhanato. Ayaṃ panettha adhippāyo – yathābhūtañhi attānamāvikarontaṃ pesalā bhikkhū ‘‘akāmā parivatthabba’’ntiādivacanaṃ nissāya anicchamānampi naṃ upāyena parivāsādīni datvā avassaṃ suddhante patiṭṭhāpessanti, tato tassa avippaṭisārādīnaṃ vasena phāsu hoti. Paṭhamaṃ pātimokkhuddesanti nidānuddesaṃ dasseti. Pubbe avijjamānaṃ paññāpesīti. Na kevalañca etaṃ, pubbe paññattampi pana pārājikādisikkhāpadaṃ sabbaṃ bhagavā ‘‘tatrime cattāro pārājikā dhammā uddesaṃ āgacchantī’’tiādinā pārājikuddesādivasena vinayamātikaṃ katvā nidānuddesena saha sayameva saṅgahetvā ‘‘pātimokkha’’nti paññāpesīti daṭṭhabbaṃ. Tadetaṃ sabbampi sandhāya ‘‘anujānāmi, bhikkhave, pātimokkhaṃ uddisitu’’nti (mahāva. 133) vuttaṃ.
១៣៦. ឯតំ ៣៤ វេទិតព្ពន្តិ យស្មិំ តស្មិំ ចាតុទ្ទសេ វា បន្នរសេ វាតិ ឯវំ អត្ថជាតំ។
136.Etaṃ 34 veditabbanti yasmiṃ tasmiṃ cātuddase vā pannarase vāti evaṃ atthajātaṃ.
សន្និបាតានុជាននាទិកថាវណ្ណនា និដ្ឋិតា។
Sannipātānujānanādikathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
៦៨. សន្និបាតានុជាននា • 68. Sannipātānujānanā
៦៩. បាតិមោក្ខុទ្ទេសានុជាននា • 69. Pātimokkhuddesānujānanā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / មហាវគ្គ-អដ្ឋកថា • Mahāvagga-aṭṭhakathā / សន្និបាតានុជាននាទិកថា • Sannipātānujānanādikathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / សន្និបាតានុជាននាទិកថាវណ្ណនា • Sannipātānujānanādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / សន្និបាតានុជាននាទិកថាវណ្ណនា • Sannipātānujānanādikathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៦៨. សន្និបាតានុជាននាទិកថា • 68. Sannipātānujānanādikathā
