| Library / Tipiṭaka / តិបិដក • Tipiṭaka / មហាវគ្គ-អដ្ឋកថា • Mahāvagga-aṭṭhakathā |
រាជគហសេដ្ឋិវត្ថុកថា
Rājagahaseṭṭhivatthukathā
៣៣២. សក្ខិស្សសិ បន ត្វំ គហបតីតិ កស្មា អាហ? ឥរិយាបថសម្បរិវត្តនេន កិរ មត្ថលុង្គំ ន សណ្ឋាតិ, អស្ស ច តីហិ សត្តាហេហិ និច្ចលស្ស និបន្នស្ស មត្ថលុង្គំ សណ្ឋហិស្សតីតិ ញត្វា អប្បេវ នាម សត្តសត្តមាសេ បដិជានិត្វា សត្តសត្តទិវសេបិ និបជ្ជេយ្យាតិ នំ ឯវមាហ។ តេនេវ បរតោ វុត្តំ ‘‘អបិ ច បដិកច្ចេវ មយា ញាតោ’’តិ។ សីសច្ឆវិំ ឧប្បាដេត្វាតិ សីសចម្មំ អបនេត្វា។ សិព្ពិនិំ វិនាមេត្វាតិ សិព្ពិនិំ វិវរិត្វា។ នាហំ អាចរិយ សក្កោមីតិ តស្ស កិរ សរីរេ មហាឌាហោ ឧប្បជ្ជិ, តស្មា ឯវមាហ។ តីហិ សត្តាហេហីតិ តីហិ បស្សេហិ ឯកេកេន សត្តាហេន។
332.Sakkhissasipana tvaṃ gahapatīti kasmā āha? Iriyāpathasamparivattanena kira matthaluṅgaṃ na saṇṭhāti, assa ca tīhi sattāhehi niccalassa nipannassa matthaluṅgaṃ saṇṭhahissatīti ñatvā appeva nāma sattasattamāse paṭijānitvā sattasattadivasepi nipajjeyyāti naṃ evamāha. Teneva parato vuttaṃ ‘‘api ca paṭikacceva mayā ñāto’’ti. Sīsacchaviṃ uppāṭetvāti sīsacammaṃ apanetvā. Sibbiniṃ vināmetvāti sibbiniṃ vivaritvā. Nāhaṃ ācariya sakkomīti tassa kira sarīre mahāḍāho uppajji, tasmā evamāha. Tīhi sattāhehīti tīhi passehi ekekena sattāhena.
៣៣៣. ជនំ ឧស្សារេត្វាតិ ជនំ នីហរាបេត្វា។
333.Janaṃussāretvāti janaṃ nīharāpetvā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / មហាវគ្គបាឡិ • Mahāvaggapāḷi
២០៥. រាជគហសេដ្ឋិវត្ថុ • 205. Rājagahaseṭṭhivatthu
២០៦. សេដ្ឋិបុត្តវត្ថុ • 206. Seṭṭhiputtavatthu
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ២០៥. រាជគហសេដ្ឋិវត្ថុកថា • 205. Rājagahaseṭṭhivatthukathā
