| Library / Tipiṭaka / តិបិដក • Tipiṭaka / ចូឡនិទ្ទេសបាឡិ • Cūḷaniddesapāḷi |
៣. បុណ្ណកមាណវបុច្ឆា
3. Puṇṇakamāṇavapucchā
៦៨.
68.
‘‘អនេជំ មូលទស្សាវិំ, [ឥច្ចាយស្មា បុណ្ណកោ]
‘‘Anejaṃ mūladassāviṃ, [iccāyasmā puṇṇako]
អត្ថិ បញ្ហេន អាគមំ;
Atthi pañhena āgamaṃ;
កិំ និស្សិតា ឥសយោ មនុជា, ខត្តិយា ព្រាហ្មណា ទេវតានំ;
Kiṃ nissitā isayo manujā, khattiyā brāhmaṇā devatānaṃ;
យញ្ញមកប្បយិំសុ បុថូធ លោកេ, បុច្ឆាមិ តំ ភគវា ព្រូហិ មេតំ’’។
Yaññamakappayiṃsu puthūdha loke, pucchāmi taṃ bhagavā brūhi metaṃ’’.
៦៩.
69.
‘‘យេ កេចិមេ ឥសយោ មនុជា, [បុណ្ណកាតិ ភគវា]
‘‘Ye kecime isayo manujā, [puṇṇakāti bhagavā]
ខត្តិយា ព្រាហ្មណា ទេវតានំ;
Khattiyā brāhmaṇā devatānaṃ;
យញ្ញមកប្បយិំសុ បុថូធ លោកេ, អាសីសមានា បុណ្ណក ឥត្ថត្តំ;
Yaññamakappayiṃsu puthūdha loke, āsīsamānā puṇṇaka itthattaṃ;
ជរំ សិតា យញ្ញមកប្បយិំសុ’’។
Jaraṃ sitā yaññamakappayiṃsu’’.
៧០.
70.
‘‘យេ កេចិមេ ឥសយោ មនុជា, [ឥច្ចាយស្មា បុណ្ណកោ]
‘‘Ye kecime isayo manujā, [iccāyasmā puṇṇako]
ខត្តិយា ព្រាហ្មណា ទេវតានំ;
Khattiyā brāhmaṇā devatānaṃ;
យញ្ញមកប្បយិំសុ បុថូធ លោកេ, កច្ចិសុ តេ ភគវា យញ្ញបថេ អប្បមត្តា;
Yaññamakappayiṃsu puthūdha loke, kaccisu te bhagavā yaññapathe appamattā;
អតារុំ ជាតិញ្ច ជរញ្ច មារិស, បុច្ឆាមិ តំ ភគវា ព្រូហិ មេតំ’’។
Atāruṃ jātiñca jarañca mārisa, pucchāmi taṃ bhagavā brūhi metaṃ’’.
៧១.
71.
‘‘អាសីសន្តិ ថោមយន្តិ, អភិជប្បន្តិ ជុហន្តិ; [បុណ្ណកាតិ ភគវា]
‘‘Āsīsanti thomayanti, abhijappanti juhanti; [Puṇṇakāti bhagavā]
កាមាភិជប្បន្តិ បដិច្ច លាភំ, តេ យាជយោគា ភវរាគរត្តា;
Kāmābhijappanti paṭicca lābhaṃ, te yājayogā bhavarāgarattā;
នាតរិំសុ ជាតិជរន្តិ ព្រូមិ’’។
Nātariṃsu jātijaranti brūmi’’.
៧២.
72.
‘‘តេ ចេ នាតរិំសុ យាជយោគា, [ឥច្ចាយស្មា បុណ្ណកោ]
‘‘Te ce nātariṃsu yājayogā, [iccāyasmā puṇṇako]
យញ្ញេហិ ជាតិញ្ច ជរញ្ច មារិស;
Yaññehi jātiñca jarañca mārisa;
អថ កោ ចរហិ ទេវមនុស្សលោកេ, អតារិ ជាតិញ្ច ជរញ្ច មារិស;
Atha ko carahi devamanussaloke, atāri jātiñca jarañca mārisa;
បុច្ឆាមិ តំ ភគវា ព្រូហិ មេតំ’’។
Pucchāmi taṃ bhagavā brūhi metaṃ’’.
៧៣.
73.
‘‘សង្ខាយ លោកស្មិ បរោបរានិ, [បុណ្ណកាតិ ភគវា]
‘‘Saṅkhāya lokasmi paroparāni, [puṇṇakāti bhagavā]
យស្សិញ្ជិតំ នត្ថិ កុហិញ្ចិ លោកេ;
Yassiñjitaṃ natthi kuhiñci loke;
សន្តោ វិធូមោ អនីឃោ និរាសោ, អតារិ សោ ជាតិជរន្តិ ព្រូមី’’តិ។
Santo vidhūmo anīgho nirāso, atāri so jātijaranti brūmī’’ti.
បុណ្ណកមាណវបុច្ឆា តតិយា។
Puṇṇakamāṇavapucchā tatiyā.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ចូឡនិទ្ទេស-អដ្ឋកថា • Cūḷaniddesa-aṭṭhakathā / ៣. បុណ្ណកមាណវសុត្តនិទ្ទេសវណ្ណនា • 3. Puṇṇakamāṇavasuttaniddesavaṇṇanā
